სასტუმრო „შერატონ გრანდ თბილისი მეტეხი პალასში“ ირაკლი ღარიბაშვილის მიერ მთავრობის მუშაობის 2023 წლის ანგარიშის წარდგენა მიმდინარეობს:
„არ დაგვავიწყდეს თუ რა ვითარებაში, რა რეალობაში მივაღწიეთ ამ შედეგს – დღემდე გრძელდება დამანგრეველი ომი უკრაინაში, მას შემდეგ რაც ეს ომი დაიწყო უკრაინაში რუსეთის ფედერაციამ, უკრაინის ტერიტორიის 20 პროცენტი უკვე არის ოკუპირებული და ჩვენ ვხედავთ, რომ დღეს ომი არ წყდება. ასი ათასობით ადამიანი უკვე დაიღუპა ამ ომის შედეგად, მილიონობით ადამიანმა დატოვა უკრაინის ტერიტორია. ჩვენ მაქსიმალურად დავეხმარეთ და ვეხმარებით ჩვენს უკრაინელ მეგობრებს.
ასევე მინდა აღვნიშნო, რომ ამ ომის შედეგად იცვლება ის მთავარი წესები, რომელზეც არის დაფუძნებული ზოგადად, მთელი მსოფლიო, ის წესრიგი რომელიც შექმნილი იყო მეორე მსოფლიო ომის დასრულებისა და საბჭოთა კავშირის დაშლის შემდეგ,. ჩვენ ამის მცდელობას ვხედავთ, მცდელობას, რომ შეიცვალოს მსოფლიო წესრიგი. არავინ იცის, ზუსტად როგორ დასრულდება ეს ომი და რა შედეგები ექნება ამ ომის დასრულებას მთლიანად ევროპის უსაფრთხოების არქიტექტურაზე, ჩვენს რეგიონებზე, როგორ ჩამოყალიბდება ახალი მსოფლიო წესრიგი, გამოწვევა სახეზეა, ჩვენ ეს გამოვიარეთ 2008 წელს, აგვისტოს ომი ძალიან დიდი ტრაგედია იყო ჩვენი ქვეყნისთვის. სამწუხაროდ, მინდა აღვნიშნო, რომ მაშინდელმა უპასუხისმგებლო მთავრობამ ამ ომის არიდება ვერ მოახერხა. 2008 წელს რომ ყოფილიყო ბიძინა ივანიშვილი და ქართული ოცნება ხელისუფლებაში ეს ომი არ მოხდებოდა.
იყო საფრთხე ქვეყნის დესტაბილიზაციის, ქვეყნის შიგნით მოქმედი რადიკალური ჯგუფები და მტრული ძალები, არ მოვერიდები ამის თქმას, პირდაპირ იყვნენ დაინტერესებული იმით, რომ ქვეყანა ჩაბმულიყო ამ საომარ ვითარებაში. ამიტომ ჩვენმა ხელისუფლებამ, ვიტყვი სიამაყით, ჩვენ ვინაიდან და მხოლოდ და მხოლოდ ჩვენი ქვეყნის და ხალხის ინტერესებიდან გამომდინარე მივიღეთ გადაწყვეტილებები, ჩვენ ყველაზე დიდი განსაცდელი, რაც შეიძლება ერს და ქვეყანას დაატყდეს თავს – ომი, ეს განსაცდელი ავირიდეთ, ავიცილეთ ომი და მშვიდობიანად, გონივრულად და მტკიცედ გავიყვანეთ სამშვიდობოზე, ჩვენ ეს გამარჯვება ერთად მოვიპოვეთ. რა თქმა უნდა, შორს ვარ იმ აზრისგან, რომ ეს რისკები მთლიანად განეიტრალებულია, ბუნებრივია, ეს რისკები არსად არ წასულა, ჩვენ მაქსიმალური სიფრთხილით და გონიერებით აფასებთ რისკებს, ვახდენთ საფრთხეების იდენტიფიცირებას, შესაბამის პრევენციებს ვახორციელებთ და ვიცავთ ჩვენი ქვეყნის მოსახლეობას, ჩვენს ქვეყანას“
კომენტარები