`აქ სრულდება ჩემი “ანალიტიკაც” და “გეოპოლიტიკაც”… -დავით ქართველიშვილი

ანალიტიკოსი დავით ქართველიშვილი:

,,ეზოს ბაღში ვთამაშობდით “აშენობანას” სამ პატარა გოგონასთან ერთად. ერთს, ელისაბედს – ცხვირუკაში სუსტი კაპილარი აქვს და ხანდახან უნებლიედ სისხლი მოსდის. აი ეხლაც, ჩასისხლიანებული მომიახლოვდა და სამ წამში რომ გადავუწყვიტე პრობლემა – იმის წარმოდგენაც კი მიჭირს, ეხლა უკრაინაში რომელიმე ბავშვს თავისი იმპერიალისტური თუ ერთმორწმუნე “არგუმენტაციით” დაუნდობელი მხეცი სიცოცლეს, ჯანმრთელობას, დედ/მამას თუ ბაბუა/ბებიას ართმევდეს. აქ სრულდება ჩემი “ანალიტიკაც” და “გეოპოლიტიკაც”…

კიდევ ორი ქართველი მეომარი შეეწირაო ამ ომს და ხუთი დაიჭრა – მასე გავიგე ამ წამს. აგრძელებს დაუნდობელი 9 აპრილი ქართველებით თავის სისხლიან მსხვერპლშეწირვას იმავე ხელით, რაც 33 წლის წინ. ღმერთმა ცათა სასუფეველი დაუმკვიდროს დაღუპულებს, სადაცა მართალნი განისვენებენ!”