ვერძი
კვირა ბევრ საინტერესო მოვლენასა და მკვეთრ ემოციას მოგიტანთ, რაც ძირითადად პირად ცხოვრებას უკავშირდება. ბიზნესმენები შეძლებენ წამგებიანი მიმართულებების გამოსწორებას და ოჯახის მატერიალური მდგომარეობის გაუმჯობესებას. კვირის ბოლოს უმჯობესია განმარტოვდეთ და საკუთარ ფსიქოლოგიურ მდგომარეობას მიხედოთ.
კურო
თქვენი ყურადღება ფინანსური ოპერაციების, კრედიტების ან მემკვიდრეობისკენ იქნება მიმართული. შესაძლოა გაურკვეველ სიტუაციებში აღმოჩნდეთ, თუმცა მათგან უდანაკარგოდ გამოსვლას შეძლებთ. ბევრი კურო ახალ რომანტიკულ თავგადასავალში გადაეშვება, რაც თქვენს გარემოცვაში მიმზიდველი ადამიანის გამოჩენით იქნება განპირობებული.
ტყუპები
კვირის პირველ ნახევარში ფრთები შეგესხმებათ ახალი შესაძლებლობების გამო. დაინახავთ რეალურ პერსპექტივას ცხოვრების გასაუმჯობესებლად. სასიყვარულო სფეროში აქცენტს ონლაინ კომუნიკაციაზე გააკეთებთ. ჯანმრთელობის მხრივ, ყურადღება მიაქციეთ საყრდენ-მამოძრავებელ სისტემას.
კირჩხიბი
აუცილებლად იპოვეთ ბალანსი შრომასა და დასვენებას შორის. მეგობრებთან შეხვედრა ახალ იდეებს მოგაწვდით და საჭირო მხარდაჭერასაც მიიღებთ. პირად ურთიერთობებში თამაშის წესების შეცვლას მოინდომებთ, ხოლო ისინი, ვინც ჯერ კიდევ ეძებთ მეორე ნახევარს, საკუთარ მოთხოვნებს გადახედავთ.
ლომი
წარმატებას ის ლომები მიაღწევენ, რომლებიც გუნდურ მუშაობას შეძლებენ. კვირის შუა პერიოდში გაჩენილი ნაცნობობა თქვენს მომავალზე დიდ გავლენას მოახდენს. კვირის ბოლოს შესაძლოა შინაგანმა პრობლემებმა შეგახსენოთ თავი, ამიტომ უქმეები უმჯობესია სიმშვიდეში გაატაროთ.
ქალწული
კვირის დასაწყისში ენერგიის მოზღვავებას იგრძნობთ და შესაძლოა სრულიად უჩვეულო სფეროებით დაინტერესდეთ. პროფესიულ საქმიანობაში კარიერული წინსვლის საკითხები გაირკვევა. კვირის ბოლოს ყურადღება მიაქციეთ გულ-სისხლძარღვთა სისტემას და მოერიდეთ გადატვირთვას.
სასწორი
მთელი კვირის განმავლობაში პოზიტიურ განწყობაზე იქნებით, რაც ყველა სფეროზე აისახება. ადვილად დაამყარებთ ახალ ნაცნობობას, სამსახურებრივი პრობლემები კი სწრაფად მოგვარდება. ფინანსური მდგომარეობა შესაძლოა ახლობლებისთვის დაგეგმილი ხარჯების გამო ოდნავ შეიცვალოს, თუმცა ეს თქვენს განწყობაზე არ იმოქმედებს.
მორიელი
თქვენზე პლანეტების განლაგება განსაკუთრებით ძლიერად იმოქმედებს. კვირა დატვირთული იქნება მოვლენებით, ხოლო გამახვილებული ინტუიცია საქმეების წარმატებით წარმართვაში დაგეხმარებათ. პირად ცხოვრებაში თაყვანისმცემლების რაოდენობა მოიმატებს, ფინანსურად კი შემოსავლების გაზრდის რეალური შანსი გაგიჩნდებათ.
მშვილდოსანი
ახალ სფეროებში შეძლებთ საკუთარი ნიჭის გამოვლენას. მეწარმეებს ბიზნესის გაფართოების კარგი პერსპექტივა გაქვთ. კვირის მეორე ნახევარში გირჩევთ ეკონომიურ რეჟიმზე გადახვიდეთ და ემოციურ ფონზე ფული არ ხარჯოთ. თქვენი თვითშეგრძნება პირდაპირ იქნება დამოკიდებული კვების რაციონზე.
თხის რქა
გირჩევთ ყურადღება დაუთმოთ ქრონიკულ დაავადებებს და კუჭ-ნაწლავის სისტემას. ინტენსიური ფიზიკური დატვირთვა ახლა რეკომენდებული არ არის. პროფესიულ სფეროში მიმდინარე ცვლილებები აიძულებს თხის რქებს, გადახედონ თავიანთ გეგმებს, რაც საბოლოოდ სასიკეთო აღმოჩნდება. მგზავრობისას ეცადეთ მარტო არ იყოთ.
მერწყული
მოვლენების სიმრავლე იმატებს, თუმცა ბევრი საკითხი თქვენი აქტიური ჩარევის გარეშე, თითქოს თავისთავად მოგვარდება. გარშემომყოფები თქვენ მიმართ კეთილგანწყობილები იქნებიან, ამიტომ ნუ მოგერიდებათ ახლობლებს რჩევა სთხოვოთ. ჯანმრთელობის მხრივ, შესაძლოა სახსრებმა შეგახსენოთ თავი.
თევზები
ეს კვირა მდიდარი იქნება მოულოდნელი მიგნებებითა და იდეებით. ორიგინალური აზრები სხვებსაც დააინტერესებს, რაც მატერიალური სარგებლის მომტანი გახდება. რომანტიკულ სფეროში პოზიტიური ცვლილებები გელით როგორც არსებულ პარტნიორთან, ისე ახალ ნაცნობებთან. უქმეებზე მოერიდეთ სტრესს, რათა ფსიქოსომატური სიმპტომები თავიდან აიცილოთ.














კომენტარები