ჯანდაცვის მინისტრმა ეკატერინე ტიკარაძემ განაცხადა, რომ კონცერტები და მსგავსი ღონისძიებები აღარ ჩატარდება.
ტიკარაძის თქმით, მხოლოდ დაჯილდოების ცერემონიები გაიმართება. მისი თქმით, ამ ღონისძიებებზე რეგულაციები სრულად იქნება დაცული.
„ამასთან დაკავშირებით, ჩვენ შესაბამის პირებთან კომუნიკაცია გვქონდა. მნიშვნელოვანია აღინიშნოს, რომ არ შეიძლება ყველაფერი მხოლოდ ერთ უწყებას დაბრალდეს. ეს ღონისძიებები არ ყოფილა კულტურის სამინისტროს ორგანიზებული. შრომითი ინსპექცია მუშაობს როგორც დაორგანიზებულ კონცერტებთან, ისე სხვადასხვა სოციალურ ღონისძიებასთან მიმართებით.
ჩვენ მაქსიმალურად ვცდილობთ, რომ გაკონტროლდეს და არ შედგეს თავყრილობები, რომლებიც შეიძლება ინფექციის გავრცელების წყაროდ იქცეს“ , – აცხადებს მინისტრი.
კომენტარები