“10-10 წამით პირბადის მოხსნამ, გამორიცხულია, რაიმე ნეგატიური გავლენა მოახდინოს”

ინფექციური საავადმყოფოს გენერალურმა დირექტორმა თენგის ცერცვაძემ “დღის ნიუსრუმში” საარჩევნო უბნებზე პირბადის 2-ჯერ მოხსნის ვალდებულებაზე ისაუბრა:

“მე რამდენადაც ვიცი, ყველა პრევენციული და დამცავი ღონისძიებები, რომელიც გაწერილია საარჩევნო უბნებზე, ყველაზე მაღალ დონეზეა შესრულებული. 2-ჯერ 10-10 წამით პირბადის მოხსნამ, გამორიცხულია, რაიმე ნეგატიური გავლენა მოახდინოს, რამეთუ კოვიდინფექცია არ არის კლასიკური ჰაეროვანი გზით გადამცემი ინფექცია, ის ჰაერწვეთოვანია და უნდა იყოს არამარტო ახლო და დაუცველი კონტაქტი, არამედ გარკვეული დროის განმავლობაში კონტაქტში. 10 წამში და ისიც იმ პირობებში, რაც არჩევნებშია ნაჩვენები, არავითარი დასნებოვნების რისკი არ არსებობს”