ჩინეთში მცხოვრები ქართველი, ლიკუნა ლობჟანიძე, სოციალურ ქსელში, წერს:
“ტყვეობის და კარანტინის 33-ე დღე ჩინეთში
?ბოლო 2 დღის მანძილზე ჩინეთის 23 რეგიონში ვირუსით დაინფიცირების არცერთი შემთხვევა არ დაფიქსირებულა.
✔️ეპიცენტრის რეგიონში დაავადებულთა რიცხვის ზრდა საკმაოდ შემცირებულია. მაგალითად, თუ აქამდე 24 საათის განმავლობაში მათი რიცხვი 2000/3000 ით იზრდებოდა, ახლა 300/600 მდე შემთხვევა ფიქსირდება, რაც ძალიან კარგი შედეგია.
✔️ვირუსის აფეთქების დღიდან 33 დღეში საოცარი შედეგი დადო ჩინეთმა. რა თქმა უნდა ეს მათი ძლიერი ეკონომიკური მდგომარების და უდიდესი ადამიანური რესურსის დამსახურებაა. (რობოტებიც თავის საქმეს აკეთებდნენ).
რაც შეეხება ვირუსის ინკუბაციის პერიოდს და გავრცელების საფრთხეს. 1 თვის წინ ჩინეთის მთავარმა ბაქტერიოლოგმა პრესკონფერენცისაას განაცხადა, ვირუსს აქვს 2 ინკუბაციის პერიოდი: 1-14 დღე და 1-30 დღე. არსებობს საფრთხე, რომ ეს დღეები კიდევ გაიზარდოს.
შეიძლება იყოთ ვირუსის მატარებელი, არ გქონდეთ სიმპტომი, გადაიტანოთ “ფეხზე” მაგრამ ამ პერიოდის განმავლობაში ვირუსი გავრცელებადია.
1 ადამიანს საშუალოდ შეუძლია დააინფიციროს 14 ადამიანი.
( ეს ყველა ინფორმაცია არის ჩინეთის შემთხვევების გათვალისწინებით)
✔️გამოიყენეთ ნიღაბი, იქონიეთ სპირტიანი საწმენდები, ხელები დაიბანეთ მინიმუმ 20 წამის განმავლობაში.
ვირუსი გადამდებია მხოლოდ დაინფიცირებულ ადამიანთან კონტაქტით. არ არის პროდუქტში, ამანთზე, სხვა სახის ნივთებზე.
პანიკაში ჩავარდნით არაფერს ეშველება. პირიქით, მაქსიმალურად გაუფრთხილდით თავს, ნერვულ სისტემას და ჯანმრთელობას.
კიდევ ერთხელ დიდი მადლობა ყველას, ვინც მკითხულობთ, დარდობთ და მგულშემატკივრობთ.”
შეგახსენებთ, დღეს ინტერნეტში, ლიკუნას სხვა პოსტიც გავრცელდა:
„33 დღეა სახლში ვარ ჩაკეტილი კარანტინში. 1 თვეა სრულიად გაჩერებულია მუშაობა მთელ ჩინეთში, მხოლოდ სუპერმარკეტებს და აფთიაქებს ამარაგებენ. სახლთან სამხედრო სამედიცინო პერსონალი დგას, არ უშვებენ შიგნით და გარეთ არავის სპეციალური ნებართვის გარეშე.“-წერს ლიკუნა ლობჟანიძე, მისივე თქმით ჩინეთში უცხოელებს განსაკუთრებული სიფრთხილით ეპყრობიან.
„საჭმელი კურიერს მოაქვს. განსაკუთრებული სიფრთხილით გამოირჩევიან უცხოელების მიმართ. გვირეკავს პოლიცია, გვეკითხება რამე პრობლემა ხო არ გვაქვს ვიზაზე, ხელფასის გადახდაზე ა.შ. არ შექმნილა არაფრის დეფიციტი პირბედეების გარდა, რაც უკვე აღმოფხვრილია.
ინტერნეტის თანხები უკან დაგვიბრუნდა და დამსაქმებლები ვალდებულები არიან სრულად აანაზღაურონ იანვრის და თებერვლის ხელფასები. სახელმწიფოც ეხმარება ამ პრობლემის მოგვარებაში. დეზინფიცირდება დღეში რამდენჯერმე კორპუსები, სადარბაზოები, ქუჩები. საოცარი და შესაშური მობილიზება აქვს გამოცხადებული მთავრობას.“
კომენტარები