„დონალდ ტრამპის მცდელობები, უკრაინაში ომის სწრაფად შეწყვეტის შესახებ,შედეგს ვერ იძლევა, – წერს The Wall Street Journal.
თუ ორშაბათს პრეზიდენტი ამაყობდა „სამშვიდობო შეთანხმების“ მიღწევით, ხუთშაბათისთვის მან უკვე განაცხადა, რომ კიევს რუსეთზე ახალი შეტევების გარეშე გამარჯვების შანსი არ აქვს.
ტრამპის იდეები, პუტინთან და ზელენსკისთან სამიტის გამართვა, მათი პირისპირ შეხვედრა და დასავლელი მშვიდობისმყოფელების გაგზავნა უკრაინაში, კრემლმა უარყო.
გამოცემის მიხედვით, მოლაპარაკებების ჩაშლა აიხსნება ტრამპისა და პუტინის განსხვავებული სტილით: ტრამპი იმპროვიზაციაზეა ორიენტირებული, პუტინი კი – მეთოდურ და გრძელვადიან თამაშზე.
ანალიტიკოსების შეფასებით, პრეზიდენტ ტრამპის განცხადება სოციალურ ქსელებში, რომ უკრაინამ რუსეთზე შეტევები უნდა განახორციელოს, შეიძლება იყოს მცდელობა, ხელახლა დაიბრუნოს ზეწოლის ბერკეტები, რადგან დიპლომატია, როგორც ჩანს, შედეგს არ იძლევა.
ზოგიერთი ყოფილი ოფიციალური პირი აცხადებს, რომ საკითხის ყოვლისმომცველი მოგვარება ნაკლებად სავარაუდოა.
„ჩვენ ისევ იქ ვართ, სადაც ორი კვირის წინ ვიყავით, ისევ იქ, სადაც ექვსი თვის წინ ვიყავით“, – განაცხადა კურტ ვოლკერმა, რომელიც ტრამპის პირველი ვადის დროს უკრაინის საკითხებში აშშ-ის სპეციალური წარმომადგენელი იყო.
„შეთანხმება არასდროს იქნება. პუტინი არასდროს დათანხმდება“.
კომენტარები