“ვრჩებით უმუშევრები, დღეს გავიგეთ, პროტესტს გავაგრძელებთ” – “რესპუბლიკურის” თანამშრომლები

“ვრჩებით უმუშევრები, არცერთი თანამშრომელი არ ეთანხმება ამ მდგომარეობას”, – ამ განცხადებას რესპუბლიკური საავადმყოფოს თანამშრომელი “პირველებთან” აკეთებს და ამბობს, რომ მთავრობის გადაწყვეტილება დღეს მედიიდან გაიგეს.

საავადმყოფოს თანამშრომლები დღეს ჯანდაცვის სამინისტრომ ფაქტის წინაშე დააყენა, როცა მთავრობის სხდომიდან გაიგეს, რომ რესპუბლიკურ საავადმყოფოს ხელისუფლება დაანგრევს.

ასე არ დავტოვებთ. 30 წელია აქ ვმუშაობ, დღეს გავიგე, ჭორაობით იყო სიტუაციები. არაფრის დიდებით არ დავთმობთ. მუშაობის შეთავაზება არ მიგვიღია. არაფრის დიდებით, არცერთი თანამშრომელი არ ეთანხმება ამ მდგომარეობას, პროტესტს გავაგრძლეებთ, გადავკეტავთ ვაჟა-ფშაველას,” – ამბობს ერთ-ერთი დასაქმებული.

https://www.alia.ge/respublikuri-saavadmqhophos-demontazhi-mokhdeba-irakli-gharibashvili/