ვის გადაეფარა მიშო და რამდენი ჭრილობა ჰქონდა? – “მიშოს მამას ველაპარაკე” – ტრაგედიის დეტალები

19 წლის ფეხ­ბურ­თე­ლის მიშო ახ­ლო­უ­რის მკვლე­ლო­ბის დე­ტა­ლებს სა­მარ­თალ­დამ­ცა­ვე­ბი ამ დრომ­დე არ­კვე­ვენ. ტრა­გე­დია 5 იან­ვრის ღა­მეს, ქე­თე­ვან წა­მე­ბუ­ლის გამ­ზირ­ზე მოხ­და. იმ დროს ძმე­ბი ახ­ლო­უ­რე­ბი სახ­ლში მარ­ტო იყ­ვნენ, როცა 21 წლის გი­ორ­გი ახ­ლო­ურ­მა ძმა – 19 წლის მიშო, ახ­ლობ­ლე­ბის თქმით, შემ­თხვე­ვით მოკ­ლა. ოფი­ცი­ა­ლუ­რი ინ­ფორ­მა­ცი­ით, მკვლე­ლო­ბის მი­ზე­ზად ურ­თი­ერ­თშე­ლა­პა­რა­კე­ბა სა­ხელ­დე­ბა, თუმ­ცა მოკ­ლუ­ლი ბი­ჭის ახ­ლო­ბე­ლი ambebi.ge-სთან ამ­ბობს, რომ ეს არ იყო გან­ზრახ მკვლე­ლო­ბა და გი­ორ­გი ახ­ლო­ურს ძმის მოკ­ვლა არ სურ­და.

“ძა­ლი­ან დიდი ტრა­გე­დია მოხ­და. სა­უ­კე­თე­სო ძმო­ბა ჰქონ­დათ მი­შოს და გი­ორ­გის. კარ­გი, წარ­მა­ტე­ბუ­ლი ახალ­გაზ­რდე­ბი იყ­ვნენ ორი­ვე. მიშო ფეხ­ბურ­თე­ლი იყო, გი­ორ­გი მას­ზე უფ­რო­სია, ისიც სპორ­ტს მის­დევს – კი­კბოქ­სი­ო­რია. გი­ორ­გი გერ­მა­ნი­ა­ში ცხოვ­რობ­და და მუ­შა­ობ­და, წარ­მა­ტე­ბუ­ლი კა­რი­ე­რა ჰქონ­და, იქ ერთ-ერთ შე­ჯიბ­რზე გა­ი­მარ­ჯვა კი­დეც, მაგ­რამ სა­ბო­ლო­ოდ სა­ბუ­თი არ მის­ცეს და გა­მო­უშ­ვეს სა­ქარ­თვე­ლო­ში.

ძა­ლი­ან კარ­გი მშობ­ლე­ბი ჰყავთ, 5 დედ­მა­მიშ­ვი­ლი იყ­ვნენ, ყვე­ლა­ზე პა­ტა­რა 4 წლის არის. ოჯახ­მა ბინა გა­ყი­და და საფ­რან­გეთ­ში წა­ვიდ­ნენ, რომ იქ ემუ­შა­ვათ, შარ­შან დაბ­რუნ­დნენ, ამი­ტომ ახლა, სამ­წუ­ხა­როდ, ნა­ქი­რა­ვებ ბი­ნა­ში ცხოვ­რო­ბენ.

მომ­ხდარ­ზე მხო­ლოდ ის მი­თხრეს, რომ გი­ორ­გიმ თურ­მე დანა ძაღლს ეს­რო­ლა, მიშო კი მო­უ­ლოდ­ნე­ლად გა­და­ე­ფა­რა ძაღლს… რაც შე­ე­ხე­ბა ტე­ლე­ვი­ზი­ებს, ცრუ ინ­ფორ­მა­ცი­ას ავ­რცე­ლე­ბენ, რომ თით­ქოს მი­შოს მრავ­ლო­ბი­თი ჭრი­ლო­ბა მი­ა­ყე­ნა ძმამ, ეს ტყუ­ი­ლია, ზუს­ტად ვიცი, ბიჭს მარ­ტო ერთი ჭრი­ლო­ბა აქვს, მე­ტის თქმა ამ ეტაპ­ზე არ შე­მიძ­ლია. მერ­წმუ­ნეთ, გი­ორ­გის რომ გან­ზრა­ხუ­ლი ჰქო­ნო­და რა­ი­მე, და­ნას არ იხ­მარ­და, მტერს მოხ­ვდა იმის დარ­ტყმუ­ლი მუშ­ტი, კი­კბოქ­სი­ო­რია.

მეტი ჯერ­ჯე­რო­ბით არა­ფე­რი ვიცი, გუ­შინ ახა­ლი და­ღუ­პუ­ლი იყო მიშო, მა­მას რომ ვე­ლა­პა­რა­კე, მეტს ვე­რა­ფერს ვკი­თხავ­დი, ყვე­ლა შო­კი­რე­ბუ­ლია”, – გვი­თხრა ოჯა­ხის ახ­ლო­ბელ­მა.

შეგახსენებთ, გუშინ “ნიუპოსტმა” გაავრცელა კიდევ ერთი ვერსია, ასევე მეზობელზე დაყრდნობით:

“უთქვამს, ტელევიზორს ჩაუწიეო, ამას არ ჩაუწევია და შეკამათდნენ, რის გამოც დაჭრა და ვეღარ გადაარჩინეს ბავშვი“, – ამბობენ მეზობელი.

სა­მარ­თალ­დამ­ცა­ვებ­მა სახ­ლში და­ა­პა­ტიმ­რეს ძმის მკვლე­ლო­ბა­ში ბრალ­დე­ბუ­ლი გი­ორ­გი ახ­ლო­უ­რი, მას შემ­თხვე­ვის ად­გი­ლი­დან მი­მალ­ვა არ უც­დია და ძა­ლოვ­ნებს ბი­ნა­ში დახ­ვდა. ახლა დრო­ე­ბი­თი მო­თავ­სე­ბის იზო­ლა­ტორ­შია და იქ ელო­დე­ბა ბრა­ლის წარ­დგე­ნას. რა ჩვე­ნე­ბა მის­ცა მან გა­მო­ძი­ე­ბას, ეს მოგ­ვი­ა­ნე­ბით გახ­დე­ბა ცნო­ბი­ლი. მომ­ხდა­რის გა­მო­ძი­ე­ბა 108-ე – გან­ზრახ მკვლე­ლო­ბის მუხ­ლით მიმ­დი­ნა­რე­ობს და ბრა­ლის დამ­ტკი­ცე­ბის შემ­თხვე­ვა­ში და­კა­ვე­ბულ ძმას 7-დან 15 წლამ­დე პა­ტიმ­რო­ბა ემუქ­რე­ბა.