ვინ რა თანამდებობაზეა ბიძინა ივანიშვილის გარემოცვიდან – სანაია “გულუბრყვილოებისთვის” სიას აქვეყნებს

ჟურალისტი ვახო სანაია სოციალურ ქსელში სტატუსს აქვეყნებს და მთავრობის იმ წევრებზე მიუთითებს, რომლებიც ბიძინა ივანიშვილის გარემოცვიდან არიან. მისი თქმით, ის რომ ბიძინა ივანიშვილი პოლიტიკიდან წავიდა, სიცრუეა.

“ივანიშვილი რომ პოლიტიკიდან წასულია, მაგ ოპერიდან გულუბრყვილოებისთვის.. ყველას არ ჩამოვთვლი. მხოლოდ მთავრობის საკვანძო თანამდებობებს შევეხები: 
პრემიერ-მინისტრი ირაკლი ღარიბაშვილი – ბიძინა ივანიშვილის ქართუ ჯგუფი და ბანკი ქართუ.  ინფრასტრუქტურის მინისტრი ირაკლი ქარსელაძე – ბიძინა ივანიშვილის თანაინვესტირების ფონდი. შინაგან საქმეთა მინისტრი ვახტანგ გომელაური – ბიძინა ივანიშვილის დაცვის ყოფილი უფროსი. 
თავდაცვის მინისტრი ჯუანშერ ბურჭულაძე –  2004-2005 წლებში ბიძინა ივანიშვილის „ქართუ ბანკის“ პლასტიკური ბარათები მომსახურებისა და დამუშავების დეპარტამენტის უფროსი სპეციალისტი. 
ჯანდაცვის მინისტრი ეკატერინე ტიკარაძე – ბიძინა ივანიშვილის მშობლიური საჩხერის საავადმყოფო პოლიკლინიკური გაერთიანების“ გენერალური დირექტორი. 
უსაფრთხოების სამსახურის უფროსი გრიგოლ ლილუაშვილი – ბიძინა ივანიშვილის კომპანიები – ბურჯი, ATU, ქართუ ბანკი, ასევე ქართუ ჯგუფი. 
დააკვირდით: 1. შსს, სუსი, თავდაცვა – მთლიანად ქართუს ხალხი. 2. სადაც ყველაზე მეტი ფულია – ჯანდაცვა და ინფრასტრუქტურა, აქაც ისინი, რომელთაც სრულად აკონტროლებს.  3. და, რა თქმა უნდა, პრემიერ-მინისტრი – ასევე ქართუ და მთლიანად მასზე დამოკიდებული კადრი. 
გავაგრძელოთ: ყოფილი პირველი ვიცე-პრემიერი და ინფრასტრუქტურის ყოფილი მინისტრი მაია ცქიტიშვილი – შპს „ქართუ მენეჯმენტის” მმართველი. ყოფილი პრემიერ-მინისტრი გიორგი კვირიკაშვილი –   „ქართუ ბანკის“ გენერალური დირექტორი. ყოფილი პირველი ვიცე-პრემიერი და ეკონომიკის ყოფილი მინისტრი დიმიტრი ქუმსიშვილი -„ქართუ ბანკის“ ხაზინის უფროსი;  „ბანკ ქართუს“ გენერალური დირექტორის პირველ მოადგილე. 
ჯანდაცვის ყოფილი მინისტრი დავით სერგეენკო – ხელმძღვანელობდა ივანიშვილის მიერ სრულად დაფინანსებულ საჩხერის სამედიცინო ცენტრს. – წერს ვახო სანაია.