გავრცელებული ინფორმაციით, თავდამსხმელს, რომელსაც 7 საათი „საქართველოს“ ბანკში“ მძევლები ჰყადა აყვანილი, 500 ათასი დოლარი სამეგრელო-ზემო სვანეთის პოლიციის დეპარტამენტის დირექტორმა, ავთანდილ გალდავამ გადასცა და ორ მძევალთან ერთად, მას გაურკვეველი მიმართულებით გაჰყვა.
შსს-ს ინფორმაციით, ავთანდილ გალდავა 1979 წლის 16 ოქტომბერს, თბილისში დაიბადა. 1997-2002 წლებში სწავლობდა საქართველოს ტექნიკური უნივერსიტეტის საავიაციო ფაკულტეტზე, 2009 წლიდან შინაგან საქმეთა სამინისტროში, სხვადასხვა თანამდებობას იკავებს, მათ შორის, 2016 წლის იანვრიდან 2017 წლის აგვისტომდე ქალაქ თბილისის პოლიციის დეპარტამენტის ვაკე-საბურთალოს სამმართველოს უფროსი იყო, 2013 წლის დეკემბრიდან 2016 წლამდე კი – თბილისის მთავარი სამმართველოს დეტექტივების სამმართველოს მეორე განყოფილების უფროსი.
ავთანდილ გალდავა 2017 წლის აგვისტოდან სამცხე-ჯავახეთის პოლიციის დეპარტამენტის დირექტორი იყო.
შარშან კი სამეგრელო-ზემო სვანეთის პოლიციის დეპარტამენტის დირექტორის თანამდებობაზე ნიკოლოზ დიასამიძე შეცვლა.
ჰყავს მეუღლე და ორი შვილი.
ცოტა ხნის წინ გავრცელდა ინფორმაცია, რომ გალდავამ ტელეფონი ჩართო, რაც სავარაუდოდ, იმაზე მიუთითებს, რომ თავდამსხმელმა ის სადღაც გადმოსვა, ანდაც თავად თავდამსხმელი აიყვანეს.
ამ დროისთვის შსს არანაირ ინფორმაციას არ ავრცელებს და მხოლოდ ვერსიები ვრცელდება.
კომენტარები