„ვერც ლხინმა გაგვაერთიანა და ვერც ჭირმა“ – გიორგი ჯაჯანიძე

ტელეწამყვანი, გიორგი ჯაჯანიძე:

„საიდუმლოებითაა მოცული ადამიანთა შინაგანი სამყარო.
შეუცნობელია ადამიანთა აზროვნება.
რაც კაცობრიობა გაჩნდა, მის მერე, იკვლევენ რა ხდება ადამიანების ფსიქიკაში.
მეცნიერებმა, მედიცინამ, ფილოსოფოსებმა და ფსიქოლოგებმა დაჰყვეს ადამიანები კატეგოერიებად აზროვნების მიხედვით. შედეგი, არაფერი.
დღემდე გაურკვეველია რა ხდება ადამიანის აზროვნებაში. რეალური სურათი სახეზეა.
გადახედეთ სოციალურ ქსელს და მიხვდებით რა მდგომარეობაშია ადამიანთა მოდგმა.
ეს არ ეხება მარტო ჩვენ ქვეყანას.
ყველას უკვირს ერთმანეთის მიმართ დამოკიდებულება. ყველა უკმაყოფილოა ერთმანეთის ქმედებაზე.
ყველა მოითხოვს იაზროვნოს ისე, როგორც თავად აზროვნებს.
ადამიანი მიდრეკილია ტანჯვისა და ქაოსისკენ, თუ არა, მაშინ იცხოვრე შენთვის, შენში, ხელი გაუმართე სხვას და ნუ მიუთითებ როგორ იცხოვროს, თუ თავად არ გთხოვს რჩევას.
ყველამ ყველაფერი იცის, ყველა მართალია და ყველა სამართლიანი.
ყველას თავისი სიმართლე აქვს და ყველას თავისი სამართალი.
სად არის თავისუფლება. სად არის თავისუფალი ნების გამოხატვა. რაშია თავისუფლება. როგორია თავისუფლება.
მე მტკივა ადამიანის ტკივილი.
არა, – ისე უნდა გეტკინოს როგორ სხვას ესმის.
მე მიხარია სხვისი სიხარული.
არა, – ისე უნდა გიხაროდეს როგორც სხვას ესმის.
ადამიანმა ვერ გაიაზრა სიკვდილის ფენომენი.
ვერც გარდაცვალების.
ადამიანმა ვერ გაიაზრა წინაპართა დიდება.
ადამიანმა ვერ გააცნობიერა წინაპართა ტრაგედია.
ვარდი უეკლოთ ვის მოუკრეფიაო.
არიან ადამიანები, ვინც თავის თავში უეკლო ვარდი დარგო და იმას კრეფს.
ვერც ლხინმა გაგვაერთიანა და ვერც ჭირმა.
ნება თქვენია.
ყველას არ მიეცა განგებისგან სიყვარულის ნიჭი და ძალა.
ყველამ ვერ მიიღო ღვთის საჩუქარი, იყოს თავის უფალი.
გიორგი ჯაჯანიძე“.