„ვერთიანდებით საქართველოსთვის და არავის წინააღმდეგ“ – გიორგი გახარია

გიორგი გახარიამ პარტია „საქართველოსთვის“ პრეზენტაცია გამართა. როგორც მან სიტყვით გამოსვლისას განაცხადა, გუნდის წევრები ერთიანდებიან საქართველოს ძლიერებისთვის, თუმცა არავის წინააღმდეგ.

„ვერთიანდებით საქართველოსთვის და არავის წინააღმდეგ“, – აღნიშნა გიორგი გახარიამ სიტყვით გამოსვლისას.

მისი თქმით, საქართველოს ახლა სწრაფი განვითარების თანმიმდევრული გეგმა სჭირდება.

გიორგი გახარიას გამოსვლამდე პარტიის წევრებმა ის პოლიტიკური ძალის თავმჯდომარედ აირჩიეს.

ინფორმაციისთვის, გიორგი გახარიამ პრემიერ-მინისტრის თანამდებობა 18 თებერვალს დატოვა.