დეპუტატი სალომე სამადაშვილი მიიჩნევს, რომ მსჯელობა არჩევნების გადადების შესახებ უკიდურესად აქტუალურია. ამის შესახებ სამადაშვილი სოციალურ ქსელში წერს.
„საშუალოდ 50 ადამიანი დღეში, 350 კვირაში, 1500 თვეში…ეროვნული კატასტროფაა. მთავრობის გეგმა მარტივია-მიუშვას ვითარება არჩევნებამდე, იმის იმედად, რომ ამომრჩეველი ან მივა არჩევნებზე ან არა…სახლიდან ზედმეტად გასვლის ეშინიათ ადამიანებს და სამართლიანად.
რა სადამკვირვებლო მისიების ორგანიზება იქნება შესაძლებელი, როდესაც მსოფლიოში სიცოცხლისთვის ერთ-ერთი ყველაზე სახიფათო ადგილი ხარ? ესეც დამატებითი ბენეფიტი ხელისუფლებას. ფიქრობენ, რომ არჩევნების შემდეგ თუ დასჭირდათ, ჩაკეტავენ.
რეალურად, ვერანაირი საარჩევნო კამპანია ვერ იარსებებს ამ პირობებში. არჩევნების გადადებაზე მსჯელობას, ამ ვითარებაში, ტაბუ არ უნდა დაედოს კი არა, უკიდურესად აქტუალური თემაა. მარტივი ჭეშმარიტებაა,”- წერს სალომე სამადაშვილი.
კომენტარები