“ვახ, რა ამაზრზენია ცრუ პოლიტიკოსის მოსმენა!” – ჩარკვიანი გიორგი გახარიას განცხადებაზე

“კანონი და სამართლიანობის” ლიდერი, თაკო ჩარკვიანი სოციალურ ქსელში პარტია “საქართველოსთვის” ლიდერის, გიორგი გახარიას იმ განცხადებას ეხმიანება, რომელიც მან “ტვ პირველის” ეთერში “ქართული ოცნების” დამფუძნებლის, ბიძინა ივანიშვილთან დაკავშირებით გააკეთა.
ჩარკვიანი გიორგი გახარიას განცხადების საპასუხოდ წერს, რომ – “სირცხვილია ბიძინას ფეიკი პარტია ვერ გამოიცნო!”

“ყოფილი პირველი პირი პრემიერი გახარია “ტვ პირველის” ეთერში  ზის და ამტკიცებს, რომ “ეს ადამიანი ივანიშვილი წავიდა, ბევრი კარგი გააკეთა და წავიდა” მე ასე ვიციო….
კი, მაგრამ 20 ივნისს გახარიამ  თვალები  რომ დაგვთხარა და მერე დააწინაურეს და პირველი პირი იყო ქვეყნის, ასე თქვა “თანამდებობიდან იმიტომ წავედი, რომ  საშუალებას არ მაძლევდნენო!”
ვაახ რა ამაზრზენია უტიფარი ცრუ  პოლიტიკოსის მოსმენა! აბა მაშინ ვინ გიშლიდათ, პირველი პირი იყავი შე დალოცვილო ქვეყნის, ივანიშვილი “თურმე პატიოსნად” წასულა პოლიტიკიდან და ვინ უშლიდა ამ კაცს ხომ ვერ მეტყვის ვინმე?!
მოკლედ ერთხელ უკვე პირველ პირად  პრემიერად ნამყოფი, სერიოზულ კორუფციულ სქემებში გახლართული გახარია-თვალებისდამთხრელი, დიდი სირცხვილია, რომ კენჭს იყრის თბილისის მერად – ჩვენი დიდი  სირცხვილია! და კიდევ ერთი შემაძრწუნებელი ფრაზა მოვისმინე ვციტირებ გახარიას სიტყვებს: “ამ ქვეყანას არ აქვს ბუნებრივი რესურსები”- აი ეს  “ფრაზა” რასაც რუსეთი მუდამ გვიკიჟინებდა!
ჩვენ მთავრობა გვინდა, რომელიც საქართველოს უდიდეს ბუნებივ რესურს ხედავს და გამოიყენებს ქვეყნის განვითარებისთვის!
სირცხვილია ბიძინას ფეიკი პარტია ვერ გამოიცნო! პარტია “საქართველოსთვის” კი არა, ეს არის  პარტია  პუტინ-ივანიშვილისთვის!” – წერს თაკო ჩარკვიანი.