საქართველოს პრეზიდენტის განცხადებით, უცხოეთში მცხოვრებ საქართველოს მოქალაქეებს, არჩევნებში მონაწილეობის უფლება ელექტრონული საშუალებით უნდა მიეცეს.
სალომემ ზურაბიშვილმა ფორუმზე “ქართული დიასპორა საქართველოს ევროპული მომავლისთვის” სიტყვით გამოვიდა და აღნიშნა, რომ საზღვარგარეთ მილიონობით ქართველი იმყოფება, თუმცა, არჩევნებში მონაწილეობას მხოლოდ ათასობით ადამიანი ახერხებს, რაც მისი შეფასებით, პრობლემას წარმოადგენს.
“სანამდე უნდა იყოს, რომ ჩვენ გვყავდეს მილიონზე მეტი ადამიანი უცხოეთში და არჩევნებში მონაწილეობდეს მხოლოდ რამდენიმე ათასი ადამიანი. დღეს, არსებობს არჩევნებში მონაწილეობის მიღების ელექტრონული საშუალებები ჩვენს ქვეყანაში, ეს გამოვცადეთ ბოლო არჩევნებზე და ალბათ, დროა გადავიდეთ ამ საშუალებების გამოყენებაზე, რომ მივცეთ უცხოეთში მყოფ ქართველებს საშუალება უშალოდ მიიღონ მონაწილეობა არჩევნებში. ამით არ არის აუცილებელი, რომ გაიხსნას უამრავი საარჩევნო კომისია, თავისი ყველა პრობლემით. თან როცა არ ცხოვრობ ისე ახლოს რომელიმე ქვეყანაში დედაქალაქთან, ალბათ, უფრო სხვა საკითხებზე ფიქრობ – ეს ალბათ, პოლარიზაციასაც ცოტა ქვევით დაწევდა. კიდევ ბევრი რამ არის, რაც შეგვიძლია გავაკეთოთ იმისთვის, რომ დიასპორა იყოს უფრო მეტად ჩართული ქვეყნის ცხოვრებაში”, – განაცხადა სალომე ზურაბიშვილმა.
კომენტარები