„უნდა ვაღიარო, რომ ყველაზე მაგარი პოლიტიკის ექსპერტი ყოფილა გუბაზი.
ერთის მხრივ ხალხს ნდომებია ბელადი და მეორეს მხრივ ხელისუფლებას და მის მომხრეებსაც პანიკურად ეშინიათ იგივე ბელადის.
სხვას კი არაფერს ამბობდა ის კაცი,“- წერს სოციალურ ქსელში ანალიტიკოსი დავით ზურაბიშვილი.
მისი თქმით, ბიძინა ივანიშვილის მიერ ქვეყნის დატოვების შემთხვევაში სააკაშვილის კამერასთან ,მისთვის ერთგულების დამტკიცების მსურველთა რიგი დადგება.
„შემთხვევით ის ჭორი რომ გამართლდეს და ბიძინამ მართლა ხუთი წლით დაახვიოს სამხრეთ კორეაში, მიშას ციხიდან გამოსვლაც არ დაჭირდება, ისე გახდება ამ ქვეყნის მმართველი და სუსის ნაჩალნიკიდან გენპროკურორამდე ყველა ერთგულების ფიცის დადების მიზნით დადგება მის კამერასთან რიგში.
თორემ ოდნავ ნორმალური ხელისუფლება რომ გვყავდეს და გამრავლების ტაბულის დონეზე მაინც ესმოდეთ პოლიტიკა, მოშიმშილე პატიმარი აქამდე ცხრაჯერ გადაყვანილი იქნებოდა მრავალპროფილურ კლინიკაში.
მაგრამ არა, „ასავალ-დასავალზე“ აქვთ მარტო სწორება. ეგ “ზბროდი” ჰგონიათ ხალხი,“- წერს დავით ზურაბიშვილი.
კომენტარები