“დაგვარწმუნეთ, რომ შეგიძლიათ მართვა და პასუხისმგებლობის აღება. უნდა დაანახოთ ყველას, რომ ივანიშვილის კარგი ალტერნატივა ხართ!” – ამის შესახებ “ფორმულას” ჟურნალისტი, ვახო სანაია სოციალურ ქსელში წერს.
როგორც სანაია ამბობს, – “ცოტა სერიოზული მუშაობა და დამოკიდებულებაა საჭირო და არა ერთმანეთზე ჭორაობა დასავლეთში.”
“მე რომ დასავლეთში საქართველოსთან ურთიერთობაზე ვიყო პასუხისმგებელი და ივანიშვილის ოპონენტები მსტუმრობდნენ, ძალიან მარტივი შეკითხვები მექნებოდა მათთან:
1. ვინ მოდის ხელისუფლებაში ივანიშვილის ნაცვლად? ვინ არის ეს ხალხი, ვინც ქვეყანა უნდა მართოს ? სახელები, გვარები, ფასეულობები.
2. შეუძლია თუ არა ამ ხალხს, ქვეყანა კოალიციურად მართოს; შეუძლია თუ არა ამ ხალხს ერთად მუშაობა ქვეყნის პოლიტიკური სტაბილურობის დაურღვევლად.
3. როგორ იქნება დაცული დასავლეთის ინტერესი საქართველოში; რა გეგმები აქვთ რეგიონულ პოლიტიკაში; რა პოლიტიკა ექნებათ რუსეთთან დაკავშირებით.
ოპოზიცია დღე და ღამე ამ მიმართულებით უნდა მუშაობდეს.
ცნობილი გამონათქვამი ოდნავ რომ შევცვალოთ, ოპოზიცია უნდა ამბობდეს – ,,არის ასეთი კოალიცია ! “
ერთი სიტყვით, ცოტა სერიოზული მუშაობა და დამოკიდებულებაა საჭირო და არა ერთმანეთზე ჭორაობა დასავლეთში.
დაგვარწმუნეთ, რომ შეგიძლიათ მართვა და პასუხისმგებლობის აღება. უნდა დაანახოთ ყველას, რომ ივანიშვილის კარგი ალტერნატივა ხართ!” – წერს ვახო სანაია.
კომენტარები