უკრაინაში რუსეთის ფედერაციის შეიარაღებული აგრესიის შედეგად დაიღუპა 165 ბავშვი და 431-ზე მეტი დაშავდა . ამის შესახებ უკრაინის გენერალური პროკურატურის ინფორმაციაშია აღნიშნული.
„რუსეთის ფედერაციის შეიარაღებული აგრესიის შედეგად უკრაინაში 431-ზე მეტი ბავშვი დაშავდა. არასრულწლოვანთა პროკურორების ოფიციალური მონაცემებით, 2022 წლის 5 აპრილის დილის მდგომარეობით, 165 ბავშვი გარდაიცვალა, 266-მა კი სხვადასხვა სიმძიმის დაზიანებები მიიღო“, – აცხადებენ უკრაინის პროკურატურაში.
ყველაზე მეტად დაზარალდნენ კიევში, დონეცკში, ხარკოვში, ჩერნიგოვში, მიკოლაევში, ლუგანსკში, ზაპორიჟიეში, ხერსონსა და სუმში.
უკრაინის პროკურატურაში აცხადებენ, რომ ეს მონაცემები საბოლოო არ არის, რადგან საომარი მოქმედებების გამო ზუსტი რაოდენობის დადგენა ვერ ხერხდება.
კომენტარები