უკრაინაში დაღუპულ კიდევ ერთი ქართველი მებრძოლი, გიორგი გრიგოლია აბაშაში, სამხედრო პატივით დაკრძალეს.
ჯარისკაცის ცხედარი მანამდე აბაშის ღვთისმშობლის შობის სახელობის ტაძარში იყო დასვენებული, სადაც სამოქალაქო პანაშვიდი გაიმართა.
ოკუპანტების მიერ მოკლული ჯარისკაცის სამოქალაქო პანაშვიდსა და დაკრძალვის ცერემონიას ოპოზიციონერი პოლიტიკოსები, სამოქალაქო აქტივისტები და რიგითი მოქალაქეები ესწრებოდნენ. მათ გარდაცვლილთა ოჯახებს სამძიმარი გამოუცხადეს.
ადგილზე იმყოფებოდა უკრაინის სამხედრო ატაშე საქართველოში, სერგეი კრავჩუკი.
“თითოეული უკრანელი მადლობელია ქართველი ერის, რადგან ისინი უკრაინელების მხარდამხარ ჩვენი ქვეყნის დამოუკიდებლობას იცავენ. ეს ძმური თანადგომაა, რაც მტრის აგრესიის შეჩერებაში გვეხმარება”, – თქვა კრავჩუკმა.
გიორგი გრიგოლია რუსული აგრესიის წინააღმდეგ საბრძოლო მოქმედებებში ომის დაწყებისთანავე ჩაერთო. ის ერთი კვირის წინ ქალაქ ბახმუტში ოკუპანტთან შეტაკებისას დაიღუპა.
გრიგოლიას მამა ამ დრომდე მიკოლაევის ოლქში რუსი სამხედროების ალყაშია, რის გამოც შვილის დაკრძალვას ვერ დაესწრო. საქართველოში ჩამოსვლა ვერ მოახერხეს მისმა მეუღლემ და მცირეწლოვანმა შვილმაც.
კომენტარები