უკანონო მშენებლობა კახეთის გზატკეცილზე – ოპოზიცია ირწმუნება, რომ თბილისის მერიამ რეკრეაციულ ზონაში სავაჭრო ცენტრის მშენებელობის უფლება ერთ-ერთ კომპანიას კორუფციული გარიგების შედეგად მისცა.
ირაკლი ნადირაძის თქმით, კომპანია “მოდუსი” და ეს ტერიტორია ძმებ დარციძეებს ეკუთვნით, რომლებიც “ქართულ ოცნებასთან” დაახლოებული ბიზნესმენები არიან და ხელისუფლებას ხშირად აფინანსებენ.
“მოდუსი” აქ ისედაც ფლობდა ტერიტირიას, 2018 წელს დამატებით 9 300 კვადრატული მიწის ნაკვეთი კონკურენციის გარეშე იყიდა აუქციონზე. ეს იყო და დღემდე არის რეკრეაციული ზონა 2, სადაც მსგავსი მშენებლობა არ შეიძლება”- თქვა საკრებულოს დეპუტატმა.
ენმ-ს ერთ-ერთი ლიდერი, ლევენ ხაბეიშვილი კი აღნიშნავს, რომ რეკრეაციული სტატუსის მიზეზით, სავაჭრო ცენტრიდან 300 მეტრში მდებარე მიწაზე მოსახლეობას მშენებლობის უფლებას არ აძლევენ და მათ წინააღმდეგ საპოლიციო ძალებს ხშირად იყენებენ:
კალაძემ სავაჭრო ცენტრის მშენებლობის უფლება უკანონოდ გასცა. მშენებლობა რომ უკანონოა, ამის დოკუმენტაცია თავად შექმნეს. 300 მეტრშია ის ობიექტები, სადაც ბულდოზერებით, პატრულის ძალით ლამის სპეცრაზმით არბევენ ადამიანებს, რომ თქვენ უკანონოდ აშენებთო, მაგრამ სავაჭრო ცენტრი ისე ააშენებინეს, პასუხიც კი არავინ მოსთხოვა, ობიექტი ფაქტობრივად ვაჭრობს. თუმცა არანაირი დოკუმენტაცია – საჯარო რეესტრიდან დაწყებული, დედაქალაქის მერიის ნებართვით დამთავრებული, ბუნებაში არ არსებობს”- განაცხადა ხაბეიშვილმა.
კომენტარები