“2 ცალი [მიკროფონი] გაქვთ და რად გინდა?”- ასე უპასუხა კულტურის მინისტრმა თეა წულუკიანმა მთავარი არხის ჟურნალისტის კითხვას, თუ როდის დააბრუნებს ის მთავარი არხის წართმეულ მიკროფონს. წულუკიანი დღეს ეთნოგრაფიის მუზეუმში მისი სამინისტროს 10-წლიან გეგმას წარადგენს.
ჟურნალისტმა მინისტრს, ასევე ჰკითხა, თუ სად აქვს ახლა მიკროფონი? თუმცა წულუკიანმა ეს უპასუხოდ დატოვა და კომენტარისთვის ჟურნალისტებთან არ გაჩერდა.
კულტურის მინისტრმა თეა წულუკიანმა, რომელიც 22 ივლისს სენაკში თეატრის გახსნას ესწრებოდა, მთავარი არხის ჟურნალისტ ემა გოგოხიას მიკროფონი წაართვა და თქვა, რომ აღარ დაუბრუნებს.
კომენტარები