შინაგან საქმეთა სამინისტრომ წყნეთში დენის დარტყმის შედეგად გარდაცვლილი 16 წლის ბიჭის საქმეზე გამოძიება დაიწყო.
უწყების ცნობით, გამოძიება სისხლის სამართლის კოდექსის 240-ე მუხლით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს, რასაც ადამიანის გარდაცვალება მოჰყვა.
შეგახსენებთ, წყნეთში უბედური შემთხვევა წუხელ, ე.წ. სამთავრობო ზონაში მოხდა. არსებული ინფორმაციით, ბავშვები სკვერში იმყოფებოდნენ, რა დროსაც მოზარდს დენმა დაარტყა. სკვერის მიმდებარედ ინფრასტრუქტურული სამუშაოები მიმდინარეობდა.
15 წლის ბიჭი წყნეთში სტუმრად იმყოფებოდა. სასწრაფოს მისვლამდე მოზარდის დახმარებას ადგილობრივები ცდილობდნენ. თუმცა, ის ექიმების მისვლამდე გარდაიცვალა.
ადგილზე ექსპერტ-კრიმინალისტები და საპატრულო პოლიციის თანამშრომლები გვიანობამდე მუშაობდნენ.
კომენტარები