წყალტუბოს სანატორიუმში იტალიიდან ჩამოსული 97 მოქალაქეა მოთავსებული. ისინი სანატორიუმში 10 მარტს შეიყვანეს. დაავადებათა კონტროლის ცენტრის იმერეთის სამმართველოს უფორსის გოჩა გიორაგიძის თქმით, მოქალაქეებს ვირუსისთვის დამახასიათებელი სიმპტომები არ აღენიშნებათ და თავს კარგად გრძნობენ.
მისივე ინფორმაციით, მათი იზოლაცია უსაფრთხოების ზომების დაცვისთვის ხდება, უტარდებათ პერიოდული შემოწმება და ხდება მათი ინფორმირება. სასტუმროში მოთავსებულებს სამედიცონო პერსონალი დააკვირდება.
საქართველოში კორონავირუსით ინფიცირებულთა რიცხვი 23-მდე გაიზარდა. კარანტინის რეჟიმში ამ დროისთვის 126 ადამიანი იმყოფება, სტაციონარში მეთვალყურეობის ქვეშ კი 46 პაციენტი რჩება.
კომენტარები