საქართველოს ექსპრეზიდენტი მიხეილ სააკაშვილი მორიგ ვიდეომიმართვას ნიუ-იორკიდან ავრცელებს და ემიგრაციის პრობლემებს უძღვნის.
„ნუთუ ჩვენ გვინდა ჩვენი ბედი შემდეგი თაობის განმავლობაში იყოს ის, რომ ვიყოთ მოსახურე პერსონალი? მესმის, რომ შიმშილია საქართველოში, რომ შვილებს სჭირდებათ რჩენა და ადამიანებს პერსპექტივა, მაგრამ მე პირადად 1994 წელს აქ ერთ-ერთ საუკეთესო იურიდიულ ფირმაში ამიყვანეს სამუშაოდ და ისეთი მაღალი ხელფასი მქონდა, ზოგ ქართველს ახლაც არ დაესიზმრება, ეს იყო 26 წლის წინ, მაგრამ მე დავყარე ეს ყველაფერი, ეს პერსპექტივა დავაგდე და გავიქეცი ჩაბნელებულ, ძალიან საშიშ საქართველოში, რადგან საქართველოს ზურგზე ვერ მოიკიდებ და აქ ვერ წამოიღებ,“ – აცხადებს სააკაშვილი და მიმართავს საზოგადოებას არ დატოვონ საქართველო.
სააკაშვილი ამბობს, რომ გულს დარდით უვსებს ქართველებით სავსე პოლონეთისა და გერმანიის აეროპორტები, ის ქართველები, რომლებიც ამერიკაში ცდილობენ მომავალი ეძებონ.
ყოფილი პრეზიდენტი საქართველოს მოსახლეობას მოთმინებისაკენ მოუწოდებს.
„დაგვრჩებიან ეს მახინჯები ხელისუფლებაში, ეს საშინელი ხალხი, ეს ჯოჯოები… ამიტომ ცოტა ხანი კიდევ გაძელით ხალხო, ლაპარაკია სულ ცოტა ხანზე.მესმის , რომ ცხოვრება ერთია და ყველა მოთმინებას აქვს საზღვარი, მაგრამ ჩვენ აუცილებლად უნდ გადავარჩინოთ ჩვენი ქვეყანა, რადაც არ უნდა დაგვიჯდეს,“ – მიმართავს სააკაშვილი საზოგადოებას.
ცნობისათვის, მიხეილ სააკაშვილმა რამდენიმე დღის წინ თვითმმართველობის არჩევნებისათვის საქართველოში ჩამოსვლა დააანონსა და საქართველოს საზღვრებს გარეთ მცხოვრებ ქართველ ემიგრანტებსაც საქართველოში დაბრუნებისაკენ მოუწოდა.
კომენტარები