დაცვის პოლიციის თანამშრომელს, რომელიც ბათუმში ცოლზე ძალადობის ბრალდებით დააკავეს, ბათუმის საქალაქო სასამართლომ 10 000 ლარიანი გირაოს გადახდა დააკისრა.
ბრალდების ცნობით, 53 წლის ნუგზარ სამნიძემ ოჯახის წევრის მიმართ ფიზიკური ძალადობა ბათუმში, ერთ-ერთ ხალხმრავალ ქუჩაზე, გაჩერებულ ავტომობილში ჩაიდინა და ეჭვიანობის ნიადაგზე ცოლს სახისა და სხეულის არეში დაზიანებები მიაყენა.
პროკურატურა პოლიციელისთვის აღკვეთის სახით წინასწარი პატიმრობის გამოყენებას ითხოვდა, თუმცა, მოსამართლემ სამნიძეს გირაოს გადახდა დააკისრა და აუკრძალა დაზარალებულთან მიახლოება.
კომენტარები