„წაქცეულებს არ ურტყამენ“ – მამუკა მდინარაძე გიორგი გახარიაზე

„რაც შეეხება გახარიას პოლიტიკურ აქტივობას, ვფიქრობ, რომ წაქცეულებს არ ურტყამენ“, – ამის შესახებ „ქართული ოცნების“ აღმასრულებელმა მდივანმა მამუკა მდინარაძემ ტელეკომპანია რუსთავი 2-თან განაცხადა. 

“რაც შეეხება გახარიას პოლიტიკურ აქტივობას, ვფიქრობ, რომ წაქცეულებს არ ურტყამენ. მათ სურთ წარმოაჩინონ, თითქოს ეს არის „ქართული ოცნება-2“, ბიძინა ივანიშვილის ხელდასხმით შექმნილი ალტერნატივა – ეს ნარატივი ასევე მხოლოდ „ნაცმოძრაობის“ ამა თუ იმ ფლანგს აწყობს. ვხედავთ, რომ მინიმუმ 2 ტელევიზია ცდილობს ეს ნარატივი საზოგადოებას მოახვიოს თავს. პეტრე ცისკარიშვილმა და გიგი უგულავამ პირდაპირ თქვეს, რომ ეს პარტია არის „ტროას ცხენი“, რომელმაც 43%-ს უნდა ჩამოაცილოს „ქართული ოცნება“, – განაცხადა მდინარაძემ.