“პოლიტიკური სოციოპატია კობახიძე, გულმავიწყობა და ჰიპერაქტიულობა არის დამახასიათებელი ნარკოდამოკიდებულისათვის,” – ეს განცხადება პოლიტოლოგმა, გია ხუხაშვილმა “ტვ პირველის” ეთერში გააკეთა.
ხუხაშვილმა პირდაპირ ეთერში საუბრისას “ქართული ოცნების” თავჯდომარეს ნარკოტესტის ჩატარებისკენ მოუწოდა.
“პოლიტიკური სოციოპატია კობახიძე რომელიც ნებისმიერ რამეს იკადრებს, ნებისმიერ რამეს იტყვის ისე, რომ არც შეუტოკდება… საერთოდ არანაირი მორალური ჩარჩო არ აქვს ამ ადამიანს. პოლიტიკური მიზნებით შეუძლია, რომ რაღაც იკადროს და ჩათვალოს, რომ პოლიტიკას ასე სჭირდება. მე ვფიქრობ, რომ გახარიას თემა დასრულდა. კობახიძის დღევანდელი ტექსტიც ამაზე მეტყველებს ხომ… დიდი ბოდიში და თუ რამე ინფორმაცია გაქვს თქვი მაშინ რაზე ლაპარაკობ. ისევ მინიშნებებით ლაპარაკი და ისევ, ასე, ვთქვათ ცინიზმი წამებლური ტონით. სიმართლე გითხრათ ის ჰიპერაქტიურობა, გუშინ ერთს ამბობს, დღეს სხვა რამეს, ზუსტად ეს არის დამახასიათებელი ე.წ. “კოკაიშნიკისთვის”.
მე ვფიქრობ, რომ თვითონ კობახიძემ, რომ ჩაიტაროს ნარკოტესტი ეს ბევრად უფრო საინტერესო იქნება. მაქვს ეს სერიოზული ეჭვი. მისი ქმედებები, არათანმიმდევრული განცხადებები, დღეს რაღაცას იტყვის, ხვალ შეიძლება რაღაც დასჭირდეს და იმის საწინააღმდეგოს იტყვის. ეს გულმავიწყობა და ჰიპერაქტიურობა არის დამახასიათებელი ნარკოდამოკიდებულისთვის და ძალიან ვთხოვ კობახიძეს თვითონ ჩაიტაროს ტესტი. კალაძემაც ჩაიტარა, გახარიამაც ჩაიტარა… ან სოციოპატი უნდა იყოს ან რაც გითხარით, ნარკოდამოკიდებული, რომ მერე ამ მდგომარეობაში როცა ხარ აღარა გაქვს საზღვარი ხო?! დიდი ბოდიში მაგრამ ამ ადამიანის ქმედებებზე დამოკიდებულია ქვეყნის ბედი, ნუ რაღაც მოკლე ვადაში და ჩაიტაროს ეს ნარკოტესტი რა. ძალიან მაინტერესებს რაიმე ხიფათის ქვეშ ხომ არ არის ქვეყანა მისი აი, ამ აბსურდის გამო. წავიდეს და ტესტი ჩაიტაროს რა! – მე გავყვები თუ უნდა. კობახიძეს მოვუწოდებ, რომ თუ ეშინია მივალ ჩავკიდებ ხელს და წავიყვან და ერთად ჩავიტაროთ ტესტი იმიტომ, რომ მაქვს სერიოზული ეჭვი, მისი ქმედებებიდან გამომდინარე, რომ არის სისტემური ნარკომანი. ერთჯერადი კი არა სისტემური. მისი ქმედებებიდან მე ამ დასკვნას ვაკეთებ,” განაცხადა გია ხუხაშვილმა.
კომენტარები