“თუ ეს შეუძლებელია, დაწექი და თავზე ხელები აიფარეთ…” – კიევში აშშ-ს საელჩო, უკრაინაში მყოფ მოქალაქეებს აფრთხილებს

კიევში შეერთებული შტატების საელჩო, უკრაინაში მყოფი ამერიკელებისთვის გაფრთხილებას ავრცელებს

შეერთებული შტატების საელჩო კიევში, უკრაინაში მყოფი ამერიკელებისთვის გაფრთხილებას ავრცელებს და მოუწოდებს მათ თავი შეაფარონ უსაფრთხო ადგილს:

“ცნობები არის რუსეთის თავდასხმების უკრაინის რიგ დიდ ქალაქებზე, მათ შორის კიევში, ხარკოვში, ოდესაში, ივანო-ფრანკოვსკსა და მარიუპოლში. უკრაინაში მყოფ აშშ-ის მოქალაქეებს ვურჩევთ, თავი შეაფარონ უსაფრთხო ადგილს და განახორციელონ შემდეგი ქმედებები:

თუ გესმით ძლიერი აფეთქება ან თუ სიგნალი გააქტიურებულია, დაუყოვნებლივ შეაფარეთ თავი. თუ სახლში ან შენობაში ხართ, გადადით სტრუქტურის ყველაზე დაბალ დონეზე; დახურეთ ნებისმიერი კარი და დადექით შიდა კედელთან ახლოს, ფანჯრებისგან მოშორებით. თუ გარეთ ხართ, დაუყოვნებლივ მოძებნეთ თავშესაფარი გამაგრებულ სტრუქტურაში; თუ ეს შეუძლებელია, დაწექი და თავზე ხელები აიფარეთ. გაითვალისწინეთ, რომ მაშინაც კი, თუ შემომავალი რაკეტა ან უპილოტო თვითმფრინავი შეჩერებულია, ნამსხვრევების დაცემა წარმოადგენს მნიშვნელოვან რისკს. თავდასხმის შემდეგ თავი შეიკავეთ ნამსხვრევებისგან და დააკვირდით მთავარ საინფორმაციო გამოშვებებს ოფიციალური მითითებისთვის,”- წერს ამერიკის საელჩო კიევში საკუთარი “ტვიტერის” გვერდზე.