საქართველოს საკალათბურთო ნაკრების მსოფლიო ჩემპიონატზე გასვლას აშშ-ის საელჩო ეხმიანება.
საელჩო ნაკრებს ისტორიულ წარმატებას ულოცავს და აღნიშნავს, რომ ნაკრებმა ისტორია შექმნა:
„ვულოცავთ საქართველოს კალათბურთის ეროვნულ ნაკრებს ისტორიულ წარმატებას და პირველად მსოფლიო ჩემპიონატზე გასვლას!
ამერიკის საელჩო ამაყობს, რომ მრავალწლიანი თანამშრომლობა აკავშირებს საქართველოს კალათბურთის ფედერაციასთან ახალგაზრდა კალათბურთელთა მხარდაჭერის საქმეში.
თქვენ შექმენით ისტორია!“, – აღნიშნულია საელჩოს მიერ გავრცელებულ ინფორმაციაში.
ცნობისათვის, საქართველოს საკალათბურთო ნაკრებმა მსოფლიო ჩემპიონატის შესარჩევ ეტაპზე ჯგუფში მესამე ადგილი დაიკავა და ისტორიაში პირველად, ფინალურ ეტაპზე თამაშის უფლება მოიპოვა.
კომენტარები