“ნაციონალური მოძრაობის” წევრი თინა ბოკუჩავა გლდანის მე-18 დაწესებულებაში მიხეილ სააკაშვილის მოსანახულებლად არ შეუშვეს. ბოკუჩავა ციხეში შესვლასთან დაკავშირებით დასტურს პარლამენტის თავმჯდომარისგან ელოდა, თუმცა უარი მიიღო. კანონის მიხედვით, დეპუტატს პენიტენციურ დაწესებულებაში შესვლის უფლება აქვს. ბოკუჩავა ამბობს, რომ ციხის ადმინისტრაციას მისთვის შესვლაზე უარის თქმის უფლება არ ჰქონდა.
ჩვენ 2 დღეა ვითხოვთ შესვლას გლდანის პენიტენციურ დაწესებულებაში, მაგრამ პარლამენტის თავმჯდომარის აპარატმა განგვიმარტა, რომ თვითონ ციხის ადმინისტრაცია არ იძლევა ამ უფლებას, რაც კანონდარღვევაა იმიტომ, რომ პარლამენტის წევრს რეგლამენტით და კონსტიტუციით ნებისმიერ პენიტენციურ დაწესებულებაში შეუძლია შესვლა, მათ შორის წინასწარი დაკავების იზოლატორში. ის რომ ციხის ადმინისტრაციამ განაცხადოს უარი ეს არის ნონსენსი, რადგან მათი დისკრეციული უფლება არ არის ნამდვილად“, – თქვა ბოკუჩავამ.
კომენტარები