დღეიდან ქვეყანა შეზღუდვების შემსუბუქების ახალ ეტაპზე გადავიდა. თბილისში, რუსთავსა და ქუთაისში მუნიციპალური ტრანსპორტის მოძრაობა სრულად აღდგა.
თბილისის მეტრო და მუნიციპალური ავტობუსები, შაბათ-კვირის გარდა, მგზავრებს დილის 6-დან 21 საათამდე მოემსახურება.
მუნიციპალური ტრანსპორტის ამოქმედებამდე რამდენიმე საათით ადრე, ყველა ავტობუსს, მიკროავტობუსსა და მეტროს ჩაუტარდა დეზინფექცია. სამუშაოებს თბილისის ტრანსპორტისა და ურბანული განვითარების სააგენტოს ხელმძღვანელი ვიქტორ წილოსანი გაეცნო. მისი განცხადებით, დეიზინფექცია ტრანსპორტს ყოველ ღამით ჩაუტარდება.
კომენტარები