თავი შეიკავეთ ჩვენი საამაყო ეპიდემიოლოგების კრიტიკისგან – ნათია თურნავა

საქართველოს ეკონომიკისა და მდგრადი განვითარების მინისტრმა, ნათია თურნავამ, საკოორდინაციო საბჭოს სხდომის დასრულების შემდეგ განაცხადა:

„შეიძლება ეს იყოს გულწრფელი კრიტიკა ბიზნესიდან, რომელმაც შეიძლება ბოლომდე არ იცოდეს ჩვენი გადაწყვეტილების მიღების ლოგიკა, თუმცა ძალიან ბევრი პოლიტიკურად ანგაჟირებული განცხადებაც გვესმის, რადგან სხვადასხვა ოპოზიციურ პარტიას, ვინც არის არეულობის მოსურნე, ვინც არის ამბოხის მოსურნე, ვისაც არ სურს ქვეყნის მშვიდობიანი განვითარება, უნდა რომ დარტყმა მიიტანოს ჩვენს გმირებზე, ჩვენ ასე ვთქვათ მაღალი რეპუტაციის მქონე ადამიანებზე, ვის მხრებზეც გადაიარა მთელი ეს პერიოდი ეპიდემიასთან ბრძოლამ. ეს არის ძალიან უსამართლო და ძალიან ვთხოვ ყველას, თავი შეიკავოს ასეთი უსამართლო კრიტიკისგან და დადანაშაულებისგან, ჩვენი საამაყო ეპიდემიოლოგების დამსახურებაა მათ შორის ის, რომ დღეს ჩვენ ვსაუბრობთ გახსნაზე და არა დაკეტვაზე”