თამთა მეგრელიშვილი: გოგა გულორდავამ ღირსეულად მიულოცა თუნდაც მისთვის და მისი გუნდისთვის მიუღებელ კანდიდატს მეორე ტურში მცირედი სხაობით გამარჯვება, მაგრამ მაინც გამარჯვება – ასე იქცევიან ღირსეულნი

იურისტი თამთა მეგრელიშვილი Facebook-ის საკუთარ გვერდზე წერს, რომ „ქართული ოცნების“ წალენჯიხის მერობის კანდიდატის, გოგა გულორდავას მიერ კონკურენტისთვის მისალოცი ტექსტის გამოქვეყნებას ღირსეულ საქციელს უწოდებს.

„აი, კიდევ ერთი მკაფიო განსხვავება „ქართული ოცნების” გუნდსა და ე.წ. „ნაციონალურ მოძრაობასა“ და მას მიერთებულ პოლიტიკურ პარტიებს შორის. გოგა გულორდავამ ღირსეულად აღიარა ხალხის ნება და უმცირესი პროცენტით დამარცხბა. გოგა გულორდავამ ღირსეულად მიულოცა თუნდაც მისთვის და მისი გუნდისთვის მიუღებელ კანდიდატს მეორე ტურში მცირედი სხაობით გამარჯვება, მაგრამ მაინც გამარჯვება. ასე იქცევიან ღირსეულნი“, – წერს თამთა მეგრელიშვილი.

გოგა გულორდავამ Facebook-ზე დაწერა: „წარმატებას ვუსურვებ გია ხარჩილავას, მიუხედავად იმისა, რომ ის წარმოადგენს პოლიტიკურ ძალას, რომელიც ჩემთვის და საქართველოს მოსახლეობის უმრავლესობისთვის მიუღებელია“.