ჯანდაცვის მინისტრის მოადგილემ, თამარ გაბუნიამ ტელეკომპანია „პალიტრანიუსის” გადაცემა „დღის ნიუსრუმში” არ გამორიცხა, რომ ბათუმისა და ქობულეთის სკოლების გარდა, სასწავლო პროცესი სხვა სკოლების ნაწილშიც ონლაინ რეჟიმში განახლდეს:
„დღევანდელი მდგომარეობით, ჩვენი მიზანი და ქვეყნის გადაწყვეტილება არის ის, რაც გაჟღერდა, რომ 15 სექტმბრიდან სწავლა დაიწყოს საკლასო ოთახში. თუმცა, ხედავთ, ეპიდემიის მიმდინარეობა გარკვეულწილად ცვლადია და სხვადასხვა ლოკაციაზე შესაძლოა, მოგვიხდეს არაერთგვაროვანი გადაწყვეტილებების მიღება, როგორც მოხდა ბათუმის და ქობულეთის შემთხვევაში, სადაც სწავლა დაიწყება, თუმცა დისტანციური რეჟიმით. ამ შემთხვევაში მზად უნდა ვიყოთ, რომ გარკვეული მოდიფიკაციები ადგილობრივ დონეზე სკოლებში იქნება საჭირო, მათი მზაობის ხარისხიდან გამომდინარე და იქიდან გამომდინარე, რომ შესაძლოა, ნებისმიერ სკოლაში რაღაც დონეზე დადგეს კორონავირუსის შემთხვევები და მაშინ დასჭირდებათ სხვანაირი მოქმედება. დღევანდელი მდგომარეობით სიტუაცია იმდენად კეთილსაიმედოა, რომ სწავლის დაწყებას იმ სკოლებში, სადაც მზაობა არსებობს, ხელი არ უნდა შეეშალოს”.
კომენტარები