თაღლითობა სუროგატი დედების სახელით – როგორ გამოსძალეს ფული უშვილო წყვილებს

საბანკო ამონაწერების, მოკლეტექსტური შეტყობინებებისა და დაზარალებული წყვილის ჩვენების მიუხედავად, თაღლითობაში დადანაშაულებული ქალი თავისუფალია.

“შაბათის ეთერს” დაზარალებულები უყვებიან, რომ ანჟელა კვარაცხელიას და მის ქმარს ემიგრანტმა ოჯახმა სამასი ათასს ლარზე მეტი ჩაურიცხა.
უშვილო წყვილმა ეს თანხა პოლონეთიდან და იტალიიდან თბილისში აგზავნა იმ იმედით, რომ სუროგატი დედის დახმარებით, შვილი ეყოლებოდათ, მაგრამ როგორც თავად ამბობენ, დიდი რაოდენობით თანხა მოტყუებით წაართვეს.

“ტვ პირველის” გამომძიებელ ჟურნალისტს უშვილო წყვილი უყვება, რომ ანჟელა კვარაცხელია მათ სამედიცინო აგენტად გაეცნო და ყველა საკითხის მოგვარებას დაჰპირდა. ხელოვნური განაყოფიერებიდან დაწყებული, სუროგატი დედის მოძებნით დამთავრებული. რადგან ამ მომსახურებისთვის დიდი ფული იყო საჭირო, ცოლიც და ქმარიც ემიგრაციაში წავიდა და თანხის შეგროვება დაიწყეს.

დაზარალებულთა მონყოლის მიხედვით, კვარაცხელია წყვილს ცხრა წლის განმავლობაში არწმუნებდა, რომ სუროგაციის გზით ბავშვის გაჩენის მცდელობები უშედეგო იყო. ხან ეუბნებოდა, რომ სუროგატ დედებს ორსულობა უწყდებოდათ და ახალი ცდისთვის დამატებით ფული იყო საჭირო.

ხუთი უშედეგო პროცედურის შემდეგ ოჯახმა გადაწყვიტა, ბოლოჯერ ეცადა. ამჯერად ორი სუროგატი ერთად აიყვანეს. მათი თქმით, ანჟელა კვარაცხელია არწმუნებდა წყვილს, რომ ერთი ბათუმელი ქალი იყო, მეორე გორელი.. ორივე დონორს ფოტოებით იცნობდნენ.

რესპონდენტების მონაყოლის თანახმად, ანა კვარაცხელია არცერთთან კომუნიკაციის უფლებას ცოლ-ქმარს არ აძლევდა და როგორც მინდობილი პირი ყველა საკითხს თავად აგვარებდა.

საბოლოოდ, 2024 წლის მაისში წყვილს ანა კვარაცხელიამ შეატყობინა, რომ ორივე ქალმა ღუდუშაურის კლინიკაში იმშობიარა და მათ უკვე ჰყავდათ ნანატრი გოგონები, თუმცა სურათი მალევე შეიცვალა, ქალი დაზარალებულებს ამჯერად აძრწუნებდა, რომ ჩვილებს ჯანმრთელობის პრობლემები ჰქონდათ და კლინიკაში უნდა დარჩენილიყვნენ.

ბავშვების მკურნალობა თითქმის ცხრა თვე გაიწელა. დედა იტალიიდან თბილისში პერიოდულად ბრუნდებოდა იმ იმედით, რომ ღუდუშაურის კლინიკაში მყოფი შვილები ენახა, მაგრამ ანა ისევ კატეგორიულ უარზე იყო.

წყვილმა საბოლოოდ გაარკვია, რომ სუროგატი დედების და დაბადების ბავშვების ამბავი გამოგონილი იყო, ფულის გამოძალვისთვის. ღუდუშაურის ადმინისტრაცია გაოგნებულია სიცრუის ამ მაშობინებთ. ირკვევა, რომ არც ერთი გოგონა და არც მეორე ამ კლინიკაში არ დაბადებულან. შესაბამისად ყალბია ის ფოტოები , რომელიც კვარაცხელიამ საავადმყოფოდან გაუგზავნა ბიოლოგიურ მშობლებს.