„დღის სტუმარის“ წამყვანი, ცნობილი ჟურნალისტი თეა ადეიშვილი თვითიზოლაციაში იმყოფება. ჟურნალისტი თვითიზოლაციაში მას შემდეგ გადავიდა, როდესაც მის ქალიშვილს, ნიტას, კორონავირუსი დაუდასტურდა.
ჩემს შვილს დაუდასტურდა კორონავირუსი. მკურნალობს სახლში, არ აქვს გართულებები. ჯერჯერობით არავინ არ დაგვიკავშირდა, იმის მიუხედავად, რომ ბაზაში ასახულია ნიტას მონაცემები. იმ დღეს როცა ნიტას ჩაუტარდა ტესტი, მეც გავიტესტე, მაგრამ მე არ დამიდასტურდა, ჩემს შვილს კი.
თუმცა მანამდეც იზოლირებულები ვიყავით, მე ვმუშაობდი და ჩემი შვილი ტვინის შერყევით იწვა სახლში, იმიტომ რომ იჯდა ტაქსში და ავარიაში მოყვა.
ამ ავარიის შემდეგ, რამდენჯერმე კლინიკაში მოუწია მისვლა, თავის გადაღება და მდგომარეობის გამოკვლევა, ჩვენ ეჭვი გვაქვს კლინიკაში დაინფიცირდა.
წინასაარჩევნოდ ინტენსიურ რეჟიმში ვმუშაობდი და ორშაბათს, როდესაც დავისვენე, რაღაცეები მოვუმზადე და ავუტანე.
მითხრა ვერც სუნს ვგრძნობ და ვერც გემოსო. მაშინვე დავუკავშირდი „მთავარი არხის“ ეიჩარს, რომელიც უზრუნველყოფს ჩვენს ჯანმრთელობაზე ზრუნვას, გამოგვიგზავნეს სახლში ტესტის ლაბორატორია.
ოთხშაბათს საღამოს, პირდაპირ ეთერში მივიღე პასუხი, რომ მე არ მაქვს კორონა და ჩემს შვილს აქვს. ღამის საგანგებო „მთავარი“ მიმყავდა, მაშინვე მივწერე ნიტა არ ჩახვიდე ქვემოთ-მეთქი. იმიტომ რომ ჩემი მეუღლე რისკ-ჯგუფია.
რამდენიმე წლის წინ, ჯანმრთელობის პრობლემა ჰქონდა, კიდევ პატარა ბავშვი გვყავს სახლში.
ახლა ნიტას გემო ნელნელა დაუბრუნდა. ყნოსვა არა. მე კარგად ვარ. თუ არ ჩავთვლით იმას, ყოვედღე რომ ვმუშაობდი და იზოლაციაში გადმოვედი, სულ მეძინება.
დიდი სახლი გვაქვს იზოლაციაში ვართ და ამ დღეებში განმეორებითი უნდა გავიკეთო, რათა გავიგო გავიდე თუ არა ოთხშაბათს სამსახურში.
„პრაიმტაიმი“
კომენტარები