,,ტელეკომპანია ,,იმედის” ღირებულება ნული ლარიც კი არ არის. დიდი ხანია იგი გაკოტრებულია“ – რომან გოცირიძე

ყოფილი პარლმენტარი, ეკონომისტი რომან გოცირიძე ,,იმედის” მფლობელის შეცვლას ეხმაურება:

,,ინფორმაცია ტელეკომპანია “იმედის” გაყიდვის შესახებ სასაცილოა. ამ კომპანიის ღირებულება ნული ლარიც კი არ არის. დიდი ხანია იგი გაკოტრებულია. ვიღაცებს ფორმალურად გადაუფორმეს წილები. კომუნიკაციის ეროვნული კომისიის მონაცემებით, 2024 წლის მდგომარეობით მისი დავალიანება 454 მილიონი ლარი იყო. 2025 წლის ზარალის ჩათვლით, ვალი ნახევარ მილიარდ ლარს გადააჭარბებს.

“იმედი”, ისევე როგორც “რუსთავი 2” შავი ფულით ფინანსდება. რუსთავი 2-ის ზარალი 200 მილიონ ლარს აღწევს. მას ჭიათურისა და ზესტაფონის მუშებისაგან ნაძარცვი ფულით ინახავენ. “ჯორჯიან მანგანეზის” შავი ფული ოფშორებში ილექება და იქედან შემოდის უკან.

“იმედს” ძირითადად ივანიშვილთან დაკავშირებული კომპანიები აფინანსებენ. მილიონობით თანხების წარმომავლობა უცნობია.

გაკოტრებული კომპანიის წილის 50 პრცენტი თურმე “შეისყიდეს” “იმედის” დირექტორმა და მისმა მოადგილეებმა. ამას “ოცნების” მომხრე ბრიყვიც კი არ დაიჯერებს. წილის მეორე ნახევარიც ფიქტიურადაა გადაფორმებული. დაიყოლიეს ვიღაცა, შეჰპირდნენ ალბათ მათ სხვს ბიზნესებში სასათბურე პირობებს და “იმედის” ძველი, კრიმინალური სქემით დაფინანსების გაგრძელებას.

“იმედს” თავისი არსებობის მანძილზე მოგება არასდროს მიუღია და რა ინტერესი უნდა ჰქონოდა ვინმეს მისი “ყიდვის”. შეტენეს ვიღაცებს რაღაცის სანაცვლოდ. შარში თავის გაყოფა ფული ღირს.

რატომ ჩამოიცილა რუხაძემ და კომპანიამ იმედი თავიდან? ყველაზე რელური მისი დასანქცირება იყო. ამით მათი ბიზნესებიც დარტყმის ქვეშ ექცეოდა: მეტალურგია, ცემენტი, ბანკი, კომუნიკაციები და სხვა. ამ ბიზნესების ნაწილში ივანიშვილიცა წილში. გამოდის, რომ რუხაძის კომპანიის დასანქცირებას მომენტალურად ივანიშვილის კომპანიებიც მიჰყვებოდა.

“იმედში”( და “რუსთავში”) ათეული წლის განმავლობაში შავი ფულის ჩასხმის საქმე გამოუძიებელი არ დარჩება. სწორედ ამაზეა ნათქვმი, რომ “ხელნაწერები არ იწვიან”. იქ, სადაც ხელნაწერები არ იწვიან, საბანკო გადარიცხევები რომ საერთოდ ცეცხლგამძლე და ყინვაგამძლეები რომ იქნებიან, ეს აქსიომაა.“