სახალხო დამცველი ნინო ლომჯარია არ გამორიცხავს, რომ გლდანის მე-18 სასჯელაღსრულების დაწესებულებაში, პატიმრების მხრიდან შეურაცხმყოფელი განცხადებები ორგანიზებული და კოორდინირებული ყოფილიყო.
როგორც ნინო ლომჯარია “ფორმულას” ეთერში განმარტავს, მას ამის დამადასტურებელი მტკიცებულება არ აქვს, თუმცა ამბობს, რომ ის ციხეში ისე შევიდა, რომ მისი ამოცნობა რთული იყო, თუმცა პატიმრები მის გვარს სკანდირებდნენ.
ვერ გამოვრიცხავ იმას, რომ ეს შეიძლება, ყოფილიყო გარკვეული ჯგუფის პატიმრების მხრიდან ორგანიზებული და კოორდინირებული, თუმცა მე ამის მტკიცებულებები არ მაქვს, ერთადერთი, რაც შეიძლება ვთქვა: სრულიად შეფუთული შევდივარ მე პირადად ციხეში. რამდენიმე წამი დამჭირდა, სანამ შევიდოდი მანქანიდან მე-18 დაწესებულებაში, ალბათ და ამ რამდენიმე წამის განმავლობაში ჩემს გვარსაც სკანდირებდნენ. რა თქმა უნდა, ეჭვებს აჩენს, როგორ შეიძლებოდა, ეს დაეფიქსირებინათ ისე, რომ ეს არ ყოფილიყო კოორდინირებული, ან წინასწარ ორგანიზებული,-თქვა ლომჯარიამ .
ცნობისთვის, როდესაც საქართველოს მესამე პრეზიდენტი, გლდანის მე-18 სასჯელაღსრულების დაწესებულებაში გადაიყვანეს, სადაც მას პატიმრები სიტყვიერ შეურაცხყოფას აყენებენ და აგინებენ.
კომენტარები