სროლა დიღომში – არიან დაჭრილები

თბილისში, დიდ დიღომში, სასაფლაოს ტერიტორიაზე სროლა იყო. წინასწარი ინფორმაციით, დაჭრილია ორი მამაკაცი, რომლებიც კლინიკაში გადაიყვანეს.

შინაგან საქმეთა სამინისტრომ მომხდარზე გამოძიება სსკ-ის 19-108-ე, განზრახ მკვლელობის მცდელობისა და 236-ე ცეცხლსასროლი იარაღის უკანონო შეძენა-შენახვის მუხლებით დაიწყო.

შემთხვევის ადგილზე ექსპერტ კრიმინალისტები მუშაობენ, მიმდინარეობს საგამოძიებო მოქმედებები.

შემთხვევის შესახებ დამატებითი დეტალები ჯერ-ჯერობით უცნობია.