საკრებულოს ყოფილი დეპუტატი, სოსო მანჯავიძე:
„მიხეილ სააკაშვილის განცხადებით, ის აქტიურად მონაწილეობს საბრძოლო მოქმედებებში, თავის თანამებრძოლებთან ერთად უკვე 1800 ტანკი გაანადგურა ყოველდღე, 3-5 ტანკს სპობენ, რაც ნიშნავს, რომ რამდენიმე წელიწადში რუსეთს დაამარცხებენ.
ცხადია, ეს მან პალატიდან გაუსვლელად მოახერხა, თუმცა რა იცი, იქნებ ღრუბელ-ღრუბელ დაფრინავს, როგორც მაშინ და ვერ ვიგებთ.
ნენსი პელოსიმ აღმოაჩინა, რომ ჩინეთი ერთ-ერთი ყველაზე დემოკრატიული ქვეყანა ყოფილა მსოფლიოში.
ასევე ბრძანა, რომ კანონზე მაღლა არავინ დგას, მათ შორის ტრამპი.
სააკაშვილის არ იყოს, ქალბატონ ნენსის ტყუილი ცხოვრებაში არ უთქვამს-ალალი ქალია.
პელოსის არ ჩამორჩა თეთრი სახლი, რომლის პრესპიკერმაც სრული სერიოზულობით გვამცნო, რომ თეთრმა სახლმა ტრამპის სახლის ჩხრეკის შესახებ მედიიდან შეიტყო.
გულშიჩამწვდომი წერილი გამოაქვეყნა გამყრელიძემ,. საიდანაც ვგებულობთ, რომ მისი ღვაწლი ქართული მედიცინის ბრწყინვალე მდგომარეობაში აყვანაში განუზომელია, რასაც ახლა ვერ ვაფასებთ, მაგრამ აუცილებლად დაუფასებს შთამომავლობა.
წერილს თან ახლავს პატივცემული ამირანის ფოტო, მისი განუმეორებელი, გამჭოლი მზერით და მოსახლეობის ვაქცინაცია-იმუნიზაციაზე ზრუნვის გამო შეჭმუხნული წარბებით.
გაცვდა კაცი ამდენი უანგარო ღვაწლით, დროა დაისვენოს. ტიტულიც უნდა მიენიჭოს-საქართველოს კოვიდ-თეატრისა და დრამის სახალხო არტისტი.
უაღრესად სასარგებლო საქმიანობას აგრძელებს ტელეკომპანია ,,იმედი”. რომელიც ძალიან შეწუხებულია იმით, რომ თურმე, საქართველოში უამრავ ბავშვს უნდა სქესის გადაკეთება.
ცხადია, ამ მეტად აქტუალურ თემას, ეს ზნეობრივად აბსოლუტურად სპეტაკი ადამიანები ყურადღების მიღმა ვერ დატოვებდნენ.
ისე, ცნობილი დარბევის შემდეგ, ეს ნათელი ხალხი რომ გაიფანტა და სხვადასხვა ტელევიზიებიდან ქადაგებენ ზნეობას, არ მიმაჩნია სწორად.
სჯობს კვლავ ერთად მოიყარონ თავი ინგამ და გივიმ, სანაიამ და ტრაპაიძემ, მათმა ძმებმა და დებმა-იქნება სატფურებაი დიდი და ღვრაი ცრემლთა.
ამასობაში მომდევნო აღგზნება-ატროების მდგომარეობაშია ჩავარდნილი ჩვენი მოსახლეობის დიდი ნაწილი, რომელიც საოცარი სიჯიუტით იწევს თავისი დასაკლავი დანისკენ.
არის ამ ოპერეტულ ჰეროიზმში რაღაც ანტიკური..
უნდა ითქვას, რომ კომიკურობის ხარისხი, რომელმაც პლანეტა მოიცვა, ცდება ადამიანის აღქმის ფარგლებს.
კაცობრიობა თითქოს ერთ დიდ კომედიაში მონაწილეობს, რომლითაც კარგად ერთობიან ჰომეროსის მიერ აღწერილი ღმერთები.“
კომენტარები