უკრაინის პრეზიდენტის, ვოლოდიმირ ზელენსკის თქმით, შეიქმნება ექსპერტთა ჯგუფი, რომელიც რუსეთისთვის დაწესებული სანქციების შედეგებს შეისწავლის.
“უკვე ამ კვირაში, ჩვენ ვქმნით უკრაინელი და საერთაშორისო ექსპერტების ჯგუფს პრეზიდენტის ოფისთან, რომლებიც გააანალიზებენ, თუ რეალურად რა გავლენას მოახდენს ის გრძელვადიანი სანქციები, რომელიც რუსეთს დაუწესეს”.- ამბობს ზელენსკი მიმართვაში.
მისივე თქმით, უკრაინის მიზანია, რომ სანქციები იყოს ქმედითი და იმუშაოს ისე, როგორც ეს ჩაფიქრებული იყო, “ისე, რომ მათი გვერდის ავლის არცერთი შესაძლებლობა არ არსებობდეს”.
“ახლა ბევრი მინიშნება და გაფრთხილებაა, რომ სანქციების სავარაუდო გაძლიერება, მაგალითად, ევროპაში რუსული ნავთობის მიწოდებაზე ემბარგოს სახით, მხოლოდ იმ შემთხვევაში მოხდება, თუ რუსეთი გამოიყენებს ქიმიურ იარაღს.
სუტყვები არ მყოფნის – უბრალოდ იფიქრეთ იმაზე, თუ სანამდე მივიდა, ქიმიური იარაღის გამოყენებას ელოდებით. ჩვენ, ადამიანები, ამას უნდა დაველოდოთ. ყველაფერი, რასაც რუსი სამხედროები აქამდე აკეთებენ და უკვე გააკეთეს, არ იმსახურებს ნავთობის ემბარგოს? ფოსფორის ბომბები არ იმსახურებს? დაბომბული ქიმიური ქარხნები ან ატომური ელექტროსადგური ამას არ იმსახურებს?”- ამბობს ზელენსკი.
კომენტარები