ლევან ჯავახიშვილი
„ალიას“ესაუბრება ეკონომიკის დოქტორი, პროფესორი, ოთო აბესაძე.
– საგზაო მოძრაობის წესების დარღვევაზე ჯარიმები ძალიან გაიზარდა და უმეტეს შემთხვევაში გაორმაგდა. ამ გაჭირვებაში, ამ ცვლილებებზე რას იტყვით?
– ამ ცვლილებებს ვემხრობი თავიდან ბოლომდე და აგიხსნით რატომაც. ავტოსატრანსპორტო საშუალებებით კანონის დარღვევაზე ჯარიმები და სხვა სახის სანქციები უნდა იყო გაცილებით მეტი და მკაცრი, ვიდრე ახლა არის. თუნდაც, ამ გაორმაგებული ჯარიმების შემთხვევაში. მაგალითად, სიჩქარის გადაჭარბებაზე ჯარიმა უნდა იყო არა 150 და 300 ლარი, მეტიც კი. რაც მეტი იქნება ჯარიმა ავტოსატრანსპორტო წესების დარღვევისთვის, მით უკეთესი ყველასთვის, რადგან ბევრი აღარ დაარღვევს კანონს. ამაზე აზრს არასდროს შევიცვლი.რატომ მე არ მომდის ჯარიები? მე რატომ არ ვარღვევ საგზაო მოძრაობის წესებს? 14 წელია მძღოლი ვარ და ჯამში 100 ლარი მექნება ჯარიმა გადახდილი, მეტი ნამდვილად არა. სპორტული მანქანაც მყავს და არასპორტულიც, მაგრამ არ ვარღვევ მოძრობის წესებს, ფრთხილად ვარ, გააზრებული მაქვს, რა შეიძლება მოჰყვეს ამას ჩემთვის თუ სხვისთვის და იმიტომ ვიცავ და არა იმიტომ, რომ საკუთარი თავის იმედი არ მაქვს და მანქანის პროფესიონალურად მართვა არ ვიცი. საქართველოს 2014 წლის ჩემპიონი ვარ რალში. რამდენი შემთხვევა მქონია, მარტო, მეუღლესთან თუ ბავშვებთან ერთად, დიდი სიჩქარით მომავალ მანქანებს კინაღამ გადავუჭრივარ შუაზე და ბეწვზე გადავრჩენილვართ ჩემი სწრაფი რეაგირების წყალობით. რატომ? ჩემზე კარგი მძღოლები არიან, ჩემზე მეტად უყვართ მანქანის სწრაფი ტარება? ეგრე არ არის. მე ხომ არ მომდის ჯარიმები, ე.ი. მე არ ვარღვევ საგზაო მოძრაობის წესებს. მოდი, რა, ნურც შენ და ნურც სხვები დაარღვევენ და ყველაფერი რიგზე იქნება. არც ამ მაღალ ჯარიმებს გადაიხდის არავინ. ძალინ მარტივად შეხედე ამას. გასაგებია, რომ არ არსებობს ქვეყნა, სადაც არ არღვევენ საგზაო მოძრაობის წესებს, ჩვენთანაც დაარღვევენ, რაც არ უნდა გაზარდო ჯარიმები, მაგრამ ცივილიზებულ ქვეყნებთან შედარებაც არ შეიძლება, იმდენი და ისეთი დარღვევებია ჩვენთან. ყველა მძღოლი უნდა ეცადოს, არ დაარღვიოს და მინიმუმამდე დავა დარღვევები და შესაბამისად, ავტოკატასტროფაში დაღუპული და დასახიჩრებული ადამიანების რაოდენობა. ევროპაში ხშირად მიწევს ყოფნა. შემოდის მანქანა გზაზე, მძღოლი გაიხედავს პირდაპირ, მარცხნივ, მარჯვნივ და მერე იწყებს მოძრობას. აქ ფეხებზე ჰკიდიათ. ტანკი რომ ეჯახებოდეს, მიაწვება „გაზს“ ფეხს და შეასკდება. და ის ტანკი, რომ არ არის და მანქანაა, სადაც ადამიანები, ბავშვები სხედან? რას ერჩი? რატომ ხოცავ ხალხს? იმიტომ, რომ სწრაფად იქროლო? ამას გამართლება არ აქვს. არა, 2000 ლარიც ცოტაა მანქანის გადაჭარბებულად სწრაფ ტარებაზე. კიდევ უფრო კარგად ავხსნი, ჩვენთან, საუბედუროდ, არ ვიცით ტარება, ვისაც საკუთარი სიცოცხლე არ ადარდებს, ის სხვის სიცოცხლეს არ გაუფრთხილდება. ჩვენთან მანქანის ტარებას კი არ სწავლობენ, როგორ არ შეიძლება მანქანის ტარება, მაგას სწავლობენ და ეს დიდი პრობლემაა.
კომენტარები