შვედეთში ჩეჩენი ოპოზიციონერი, რამზან კადიროვის კრიტიკოსი ჩეჩენი ოპოზიციონერი ბლოგერი ტუმსო აბდურახმანოვი მოკლეს, – ამის შესახებ 1 ADAT ტელეგრამ არხზე წერს.
როგორც ოპოზიციური მოძრაობა „ადათში“ აცხადებენ, ტუმსოს მკვლელობასთან დაკავშირებით შიდა გამოძიებას რამდენიმე დღე აწარმოებდნენ და მოპოვებული ცნობებით დასტურდება მისი გარდაცვალება. მისი ძმა მუხამადი კი სპეცსამსახურებმა გადამალეს.
„რაც არ უნდა გაგვიჭირდეს მომხდარის აღიარება, სამწუხაროდ, მისი გარდაცვალების შესახებ ჭორები სიმართლე აღმოჩნდა.
რამდენიმე დღეა ჩვენ ვაწარმოებთ შიდა გამოძიებას ტუმსოს მკვლელობის საქმეზე. თავიდან ვერ ვიჯერებდით მომხდარს, მაგრამ ამ ეტაპზე, როგორც ყოვლისშემძლე ალაჰმა ისურვა, მისი გარდაცვალების დამადასტურებელი საკმარისი ინფორმაცია გვაქვს და მისი ძმა, მუჰამედი სპეცსამსახურებმა დამალეს“, – წერს 1 ADAT ტელეგრამ არხზე.
მედიის ცნობით, შვედეთის სამართალდამცავ ორგანოებში ამ ინფორმაციაზე ჯერ კომენტარი არ გაუკეთებიათ.
კომენტარები