შიმშილობის მეოთხე დღე – ელენე ხოშტარიას და მასთან ერთად კიდევ ხუთი ადამიანის, რომლებმაც პროტესტის უკიდურეს ფორმას მიმართეს, მდგომარეობა ახლა დამაკმაყოფილებელია.
ყველამ ღამე პარლამენტის წინ გაათენა.
როგორც ხოშტარია ამბობს, მისი პოზიცია თვითმმართველობის არჩევნებთან დაკავშირებით არ შეცვლილა, თუმცა, მკაფიოდ უსვამს ხაზს იმას, რომ ულტიმატუმის ენით არ საუბრობს, რადგან ყველას ინდივიდუალური გადაწყვეტილება აქვს.
მისივე თქმით, მისთვის ბრძოლის მთავარი ხაზი სწორედ რუსთაველის გამზირზე გადის.
გუშინ ჩვენ ვნახეთ მნიშვნელოვანი აქცია, პირველ რიგში პრეზიდენტმა თქვა, რომ ადამაინების ბრძოლა არის შედეგიანი და მნიშვნელოვანი და სწორედ ეს იყო ჩემი განაცხადიც, ჩემი აქ ყოფნაც არის ეს განაცხადი. მეორე და ასევე მნიშვნელოვანი, არის ერთობა, და პრეზიდენტის დიდი აქცენტი ამ ერთობასთან დაკავშირებით. მოქმედება ჩვენი შემდგომი, ერთობლივი, რომელშც მე აუცილებლად ჩავერთვები, უნდა იყოს არა ყალბ პროცესში მონაწილეობისთვის, არამედ იმგავრი, რომელიც სისტემას დაასუსტებს. მე როდის შევწყვეტ შიმშილობას, ეს ჩემი პირადი გადაწყვეტილებაა და არავისთან არანაირი მოთხოვნები არ მაქვს, მაგრამ ძალიან მოტივირებული ვარ და როგორც კი ჩავერთვებით სწორ მქომედებაში, მე ამაში ვქინები წინა ხაზებზე, -განაცხდა ხოშტარიამ.
შიმშილობის შეწყვეტას არ აპირებს გედევან ფოფხაძეც, ვიდრე მისი თქმით, „რეჟიმის წინააღმდეგ აქტიური ბრძოლა არ დაიწყება.“
ვართ კარგად, ჯანმრთელობის მხრივ არაფერი სანერვიულო არ გვაქვს, თუ რეჟიმი მიიღებდა გადაწყვეტილებას, რომ დაინიშნოს ახალი სამართლიანი არჩევენბი და გაათავისუფლონ პოლიტპატიმრები, ეს იქნებოდა ამ შიმშილობის იდეალური დასასრული, მაგრამ თუ მოხერხდება და ოპოზიცია შექმნის უფრო ძლიერ, უკომპრომისო ფორმატს ბრძოლის, ვიდრე არის შიმშილობის აქცია, მე პირადად შიმშილობის აქციას ვამჯობინებ აქტიურ ბრძოლას. ემპათიით ეს რეჟიმი უკან არ დაიხევს,- განაცხადა გედი ფოფხაძემ.
ბაჩო კუცია, გიორგი სტეპანვი, ვასილ ელიავა, ელენე ხოშტარია, გედევან ფოფხაძე და თემურ ქათამაძე შიმშილობას აგრძელებენ. ისინი ამბობენ, რომ ბრძოლა იქნება უკომპრომისო და გაგრძელდება აუცილებლად.
კომენტარები