“შევდივარ ტოიოტას ვარშავის ცენტრში და ვეუბნები, რომ მჭირდება ეს თავსახური..” – რა შეემთხვა მოხალისე შაკო ბუაჩიძეს?

მოხალისე შაკო ბუაჩიძე, რომელიც უკრაინელ ლტოლვილებს ეხმარება, სოციალურ ქსელში წერს:

„შევდივარ ტოიოტას ვარშავის ცენტრში და ვეუბნები, რომ მჭირდება ეს თავსახური.

მეუბნებიან, რომ ადგილზე არ აქვთ, მაგრამ შეუძლიათ, 2 საათში მოიტანონ.

ვპასუხობ, რომ ამდენი დრო არ მაქვს, რადგან უკრაინისკენ მივდივართ, ლტოლვილებს ვეხმარებით.

პოლონელი ხელით მანიშნებს, ერთი წამიო, მიდის, შოურუმის ახალი, გასაყიდი მანქანის კაპოტს აღებს, ხსნის ამ თავსახურს და მაძლევს.

ფულიც არ გამოგვართვა.

ჰო, ზღვაში წვეთია, მაგრამ ასეთი წვეთებისგან შედგება ზღვა”,  – წერს შაკო ბუაჩიძე.