პუბლიცისტი, ნათია მეგრელიშვილი გადაცემა “რეაქციაში” მის მიერ გაკეთებულ განცხადებას იხსენებს, რომელსაც, მაშინ, საზოგადოების ნაწილის მხრიდან უარყოფითი გამოხმაურებები მოჰყვა.
როგორც პუბლიცისტი გადაცემაში ამბობს, მისი განცხადების გამო ადამიანები, რომლებსაც დღეს ექსპერტების სახით ტელეკრანებზე ვხედავთ, მასზე ამბობდნენ, რომ ის, ამის გამო თანხებს მიხეილ სააკაშვილისგან იღებდა.
“როცა პირდაპირ ეთერში ვთქვი, რომ რუსეთი მოდის თქო, ნახევარი საქართველო ჩემი მტერი გახდა. საშინელებებს წერდნენ ჩემზე, იქ მიშა ფულს უხდის, გრიშამ სახლი აუშენა, რაღაცა ვალოდიამ მერსედესი უყიდა და ა.შ. სხვათაშორის ეს ყველაფერი კომპიუტერიდან ამოღებული მაქვს, წიგნს ვწერ და ამ მასალას აუცილებლად ჩავდებ ჩემს წიგნში და რატომ იცით?! – ის ადამიანები, რომლებიც თავს მესხმოდენ, ის ადამიანები, რომლებიც მე მლანძღავდნენ დღეს, უცებ ტელეეკრანებზე ექსპერტების სტატუსით გამოდიან და გვმოძღვრავენ, რომ მეგობრებო, იცით რა, ეს ისეთი მდგომარეობაა… უკაცრავად და ვის ელაპარაკებით? – ჩვენ გველაპარაკებით?! – იცით რა, მე არანაირი ვალდებულება არა მაქვს ამ მთავრობის წინაშე, მე ეგენი არ მომიყვანია.
თქვენი მოყვანილია და ახლა თავს ნუ ისულელებთ ექსპერტობით თქვენვე გაიყვანეთ სცენიდან. ჩვენ ნუ გადმოგვდეთ ახლა ეს ვალდებულება, რომ მე გავიდე ქუჩაში და ვიომო, რატომ?! – შენ არ ამბობდი, რომ ღმერთი ჩამოვიდა ციდანო? ხო და მიდი ახლა და იომე რა! მე საერთოდ თავი გამანებე,” – განაცხადა მეგრელიშვილმა.
ამასთან, ნათია მეგრელიშვილმა გადაცემა “რეაქციის” საშუალებით ოპოზიციას მიმართა და მათ ერთი იდეის ირგვლივ გაერთიანებისკენ მოუწოდა.
“ახლა ორი დეპეშა ოპოზიციას… მე ხომ ოპოზიცის ამომრჩეველი ვარ ხო და ოპოზიცია აზრზე მოდით! ახლა ჩამოიჭერით ის რაღაცა ამბიციური პოლიტიკური ფრთები, რომელსაც ატყლაშუნებთ ყოველ დღე. მოაშორეთ ის თქვენი დიპლომები ყოველდღე ცხვირში რომ გვირახუნებთ – სორბონა, ოქსფორდი, კემბრიჯი… ძალიან გთხოვთ გონს მოდით! თუ თქვენ მართლა ფიქრობთ თქვენს სამშობლოზე, მაშინ გაანებეთ თავი ამ მეტიჩრობას, მატრაკვეცობას. აი, მე შალ მიშელს ეს ვუთხარი, ის ვუთხარი მან ეს მიპასუხა…
ვაიმე, ძალიან გთხოვთ რა, მაგის დრო არ არის ომია ომი! დაიმახსოვრეთ ჩემი სიტყვები ომია და ის დროა, რომ თქვენ ახლა მოგწონთ ერთმანეთი არ მოგწონთ კეთილი ინებეთ და გაერთიანდით ერთი იდეის გარშემო. ოღონდ ეს იდეა ის კი არ უნდა იყოს მე უნდა მოვიდე ხელისუფლებაში იმიტომ, რომ მე ვმუშაობდი ათი წელი სადღაც ლაოსში პრეზიდენტად. არა, არავითარ შემთხვევაში. მე უნდა მოვიდე ხელისფლებაში იმიტომ, რომ ჩემი ქევყანა არ გახდეს გუბერნია, – ეს უნდა იყოს თქვენი იდეა” – განაცხადა ნათია მეგრელიშვილმა.
კომენტარები