დავით გარეჯის საქმეზე გამოკითხული საქართველოს პრეზიდენტი, სალომე ზურაბიშვილი სადაო მონაკვეთებზე მოლაპარაკებებში მონაწილეობას უარყოფს და სრულ პასუხისმგებლობას მიხეილ სააკაშვილს აკისრებს. პრეზიდენტმა, რომელმაც პროკურატურას ჩვენება გამოძიების დასრულებამდე ცოტა ხნით ადრე, 12 იანვარს მისცა, “მთავარის” ინფორმაციით, ვერ გაიხსენა ტერიტორიების გასხვისების შესახებ მიღწეული შეთანხმების ფაქტი და ჩვენებაში თქვა, რომ არ გამორიცხავს ამგვარი შეთანხმება მიხეილ სააკაშვილსა და ალიევს შორის პირისპირ შეხვედრის დროს შემდგარიყო.
ამ ჩვენებით, პრეზიდენტმა მხოლოდ მიხეილ სააკაშვილს კი არა, ალიაევსაც პირდაპირ დაადო ხელი და ჯერ კიდევ, როდის წერდა “ალია”, რომ თუ დამტკიცდება, რომ ტერიტორიების გასხვისების შესახებ შედგა შეთანხმება, ან თუ დამტკიცდება, რომ სადაო მონაკვეთების საკითხში გამიზნულად იქნა დათმობილი ჩვენი, საქართველოს ინტერესი, აზერბაიჯანული მთავრობის ჩარევის გარეშე, ამ საქმის გამოძიება ვერ დასრულდება. დადებს თუ არა ბრალს ოფიციალურად ალიევს საქართველო, ამ ეტაპზე უცნობია. შეგახსენებთ, გამოძიების დასაწყისშივე, “ოცნების” დეპუტატები საუბრობდნენ იმაზე, რომ სააკაშვილი კი დამნაშავეა, კი გაყიდა, მაგრამ აზერბაიჯანული მხარე უდანაშაულოა…
კარტოგრაფების ადვოკატების თქმით, პროკურატურის მტკიცებულებები რაც მათ გადაეცათ ვერც ყოფილი მაღალჩინოსნების ან მიხეილ სააკაშვილის დანაშაულებრივ ქმედებას ადასტურებს.
დღეს ადვოკატებმა და პოლიტიკოსებმა ევროპელ დეპუტატებს ონლაინ კონფერენციის დროს მიაწოდეს ინფორმაცია, რომ ქართული ოცნების ხელისუფლებას პოლიტიკური პატიმრები ჰყავს. ევროპარლამენტარებთან მეცნიერების ადვოკატებმა საქმის აბსურდულობაზე ისაუბრეს.
გარეჯის საქმეზე კარტოგრაფების ნაწილში დავით გარეჯის საქმეზე საგამოძიებო ნაწილი დასრულდა. ადვოკატებმა გენერალურ პროკურატურაში ჩააბარეს მტკიცებულებების ტომები, რაც მათი თქმით, მეცნიერების უდანაშაულობასა და უკანონო პატიმრობას ადასტურებს. სასამართლო პროცესი 28 იანვარს არის ჩანიშნული, არ არის გამორიცხული სხდომის გამართვამდე ბრალდებულის სკამზე ის მაღალი თანამდებობის პირები აღმოჩნდნენ, რომელთა კვალზეც პროკურატურის მტკიცებით შოთაძის უწყება უკვე გასულია და მათ შორისაა, ნინო ბურჯანაძის მეუღლე, ბადრი ბიწაძე, რომელიც ამბობს, რომ მას იმ შემთხვევაში დაიჭერენ, “თუ მამა-მარჩენალმა მისი დაჭერა დაიბარა”…
კომენტარები