„შავი ლომი“, „ნინიას ბაღი“ და „კაფე ლეილა“ მხოლოდ აცრილ ან დატესტილ სტუმრებს მიიღებენ

რესტორნები მხოლოდ ანტიგენ ან PCR ტესტის პასუხის მქონე პირებისთვის. „შავი ლომი“, „ნინიას ბაღი“ და „კაფე ლეილა“ სტუმრების მიღების წესებს ცვლიან. როგორც კვების ობიექტების მეპატრონეები აცხადებენ, აღნიშნული გადაწყვეტილება მძიმე ეპიდვითარების გამო მიიღეს. მათი თქმით, ახალი წესებით, სტუმრების და მომსახურე პერსონაჟების ჯანმრთელობას უკეთ დაიცავენ.

„მივიღეთ ეს გადაწყვეტილება, რომ პირველი სექტემბრიდან აღარ შემოგვეშვა აუცრელი ან PCR ტესტის გარეშე მომხმარებელი. ვამოწმებთ შტრიხ კოდებს. სხვებისთვისაც და ჩვენი თანამშრომლებისთვისაც ძალიან კარგი გადაწყვეტილებაა“, – აცხადებს რესტორანი „შავი ლომის“ მფლობელმა მერიკო გუბელაძემ.

ცნობისათვის, საკოორდინაციო საბჭოს გადაწყვეტილებით, მძიმე ეპიდემიოლოგიური ვითარებიდან გამომდინარე ქვეყანაში კვების ობიექტები 22:00 საათამდე მუშაობენ. ბოლო 24 საათის მონაცემებით, საქართველოში კორონავირუსით ინფიცირების 3212 ახალი შემთხვევა დაფიქსირდა, გარდაიცვალა კიდევ 81 პაციენტი.