,,სევდით მევსება გული, ყელში ბურთი მეჩხირება…” – ლევან ლორთქიფანიძე

პოლიტოლოგი ლევან ლორთქიფანიძე:

,,სევდით მევსება გული, ყელში ბურთი მეჩხირება, როდესაც საქართველოში პარლამენტის დონეს ვაკვირდები….

ერთ მხარეს დიმიტრი ხუნდაძე, კაცი, რომელიც ყველაფერს მოაწერს ხელს, ყველაფერს იტყვის, რასაც დაავალებენ. შეუძლია დღეს ერთი თქვას, ხვალ მეორე… ბ-ნი ყაველაშვილი, რომელიც კარცერ-ლუქსშია გამოსამწყვდევი, გასახდელში რომ ჰგონია თავი… ზარქუა, მისაქსევად და პროვოკაციების მოსაწყობად რომ იყენებენ, პროვოკატორის შტატით რომ ჰყავთ აყვანილი…

და აქეთა მხარეს სამი თაკო ჩარკვიანი ერთად, დუჟმორეულნი…

ზუსტად ვიცოდი, რომ ამ ცირკს, ამ ხავილს, მაგიდების ტრიალს დაარქმევდნენ განხილვას.

მოვითხოვ მშვიდ, წყნარ, საქმიან განხილვას. ამ თხოვნით მივმართე პარლამენტარებს, რომლებსაც პატივს ვცემ; ზოგიერთი მათგანი მიყვარს კიდეც, ადამიანურად და არა პოლიტიკურად… კიდევ სხვებსაც მივწერ. ( ისე სანამ თანამდებობის პირები გახდებოდნენ მიცნობდნენ, ახლა ვერც მცნობენ ))) ზოგიერთებს ეხებათ…)

მგონი, იმას მაინც ვიმსახურებთ, რომ ამ საზიზღარი, ეროვნული ინტერესების საწინააღმდეგო კანონის მიღებამდე ერთ სერიოზულ, მრავალმხრივ, მშვიდობიან მსჯელობას მაინც გვაღირსებენ.”